Tuesday, May 27, 2014

ഓർമ്മകൾ പടരുന്നു

ഓർമ്മകൾ പടരുന്നു

നിറമൗനമായി നിറയുന്നു
മനസ്സിലായ് വീണ്ടും വീണ്ടും
അറിയാതെ വന്നു നീ ഒരു
കരിനീല മേഘമായ്
പെയ്യതൊഴിഞ്ഞു കുളിരായ്
മരുഭൂമിയാം ഏകാന്ത തീരത്തിലായ്
ഒരു നിര്‍വൃതി എന്നില്‍ പടര്‍ത്തി
എങ്ങുപോയി മറഞ്ഞു നീ
വര്‍ണ്ണ രാജികളിലോ
ശബളിമ തീര്‍ക്കും മഴവില്ലിലോ
പടരുന്നു നീര്‍ക്കണമായ്
മുകുളങ്ങളില്‍ ഉണര്‍വായ്‌ മാറുന്നുവോ
നിന്‍ മുഗ്ദ്ധമാം പുഞ്ചിരി പൂക്കള്‍ വിരിയുമ്പോള്‍
മധുചഷകം തേടി വണ്ട്‌ അണയുന്നു
തീരാത്ത ദുഃഖങ്ങളില്‍ തീര്‍ക്കുന്നു
നിന്‍ ഓര്‍മ്മ എന്നില്‍ എന്നും
കവിതയായ് പടരുന്നു ഓമലെ 

2 comments:

സൗഗന്ധികം said...

നല്ല കവിത

ശുഭാശംസകൾ.....

Cv Thankappan said...

നന്നായിരിക്കുന്നു കവിത
ആശംസകള്‍