അനുരാഗത്തിൻ നാളുകൾ

അനുരാഗത്തിൻ നാളുകൾ

നീ പറഞ്ഞ വാക്കുകളൊക്കെയും

ഇന്നുമെൻ ഓർമ്മയിൽ തുടികൊട്ടുന്നു;

രാവും നിലാവും നിഴലും പിന്നെ

മധുരമൂറുന്ന നിൻ മൊഴികളും!

ഏകാന്തതയുടെ ജാലകവാതിൽക്കൽ

ഏതോ പാട്ടിൻ ഈരടിപോലെ,

കാറ്റിലുലയും പ്രണയനൊമ്പരം

കൺകളിൽ വീണ്ടും തെളിയവേ...

മായാത്ത ചിത്രമായ് നീയെൻ മനസ്സിൽ

മൗനമായ് ഇന്നും കുടികൊള്ളുന്നു;

കാത്തിരിപ്പിൻ ദൂരമറിയാതെ ഞാൻ

കണ്ടുമുട്ടും പൊൻപുലരികൾക്കായ്...

മൗനമായ് നാം പങ്കിട്ട നാളുകൾ

മായാതെ നിൽക്കുന്നു ഹൃദയത്തിനുള്ളിൽ;

കാലം വരുത്തുന്ന മാറ്റങ്ങളേറെയും

കാത്തുവെച്ചിടുന്നു സ്നേഹസ്മൃതികൾ!

രചന: ജീ ആർ കവിയൂർ

തീയതി: 09-10-2026

(തിരുവല്ല, കവിയൂർ)