നൽകിയ സ്നേഹത്തിന്റെ കുറ്റം

ആർക്കുവേണ്ടിയാണോ എല്ലാം വാരിക്കോരി നൽകിയത്,

അവരെന്നെക്കുറിച്ച് പറയുന്നത്, അവരെ മറന്നുവെന്നാണ്!

അവരുടെ കണ്ണുനീരൊപ്പാൻ ചെന്നതായിരുന്നു,

പകരം, അവരെ കരയിപ്പിച്ചുവെന്ന കുറ്റവും ചുമത്തി!

ഹൃദയം തുറന്നുനൽകിയ നിമിഷങ്ങളൊക്കെയും

ഇന്ന് തെറ്റുകളുടെ പട്ടികയിൽ ഇടംപിടിച്ചു;

കരുതലായി നീട്ടിയ കൈകൾ പോലും

വേദനിപ്പിച്ചുവെന്ന സാക്ഷിയായി മാറി.

സ്വന്തമെന്ന് കരുതിയ ബന്ധങ്ങളുടെ മുന്നിൽ

നിസ്വാർത്ഥതയ്ക്കും വിലയില്ലാതായി;

നിശ്ശബ്ദമായി സഹിച്ച വേദനകൾക്ക്

അവസാനം കുറ്റക്കാരനായി മാറേണ്ടിവന്നു.

ഒന്നും തിരികെ പ്രതീക്ഷിക്കാതെ നൽകിയതെല്ലാം

ഒടുവിൽ കണക്കുചോദിക്കുന്ന കടമായി;

സ്നേഹത്തോടെ ചേർത്തുപിടിച്ച മനസ്സുകൾ

അകന്നുപോകാൻ കാരണവും അതുതന്നെയായി.

എത്ര വിശദീകരിച്ചാലും ചില ഹൃദയങ്ങളിൽ

സത്യം എത്തിച്ചേരാതെ പോകും;

നല്ലതായിരുന്നു ഉദ്ദേശമെന്നറിഞ്ഞിട്ടും

കാലം ചിലപ്പോൾ വിധി എഴുതും.

രചന

ജീ ആർ കവിയൂർ

08-10-2026

(തിരുവല്ല, കവിയൂർ)

ആത്മാവിഷ്കാരങ്ങള്‍