വാക്കിന്റെ മുറിവ്

വാക്കിന്റെ മുറിവ്

പ്രിയമുള്ള വാക്കുകൾ പറയുവാനെളുപ്പമല്ല,

കേൾക്കുമ്പോൾ മുഖം തിരിക്കുവാനേ കഴിയൂ,

മറുപടി നൽകുന്നതിൽ ബുദ്ധിയില്ലെന്നല്ല,

മനസ്സിലിട്ടു നീറും നിത്യം, മുറിവേൽക്കുന്നുള്ളം!

പറഞ്ഞതൊക്കെയും തിരിച്ചെടുക്കാനാവില്ല,

പടർന്ന നോവുകൾ മായ്ച്ചുകളയാനുമാവില്ല,

നാവിൽനിന്നുതിർന്ന അമ്പുകൾപോലെ,

നേരെ ചെന്നു തറയ്ക്കും ഹൃദയത്തിന്റെ ഉള്ളിൽ!

മൗനം പാലിക്കുന്നതെപ്പോഴും തോൽവിയല്ല,

പ്രതികരിക്കാത്തതും ഭീരുത്വമല്ല,

കരുതലില്ലാത്തൊരു വാക്കു പിറന്നാൽ,

കലഹത്തിൻ തീനാളം പടർന്നിടും ചുറ്റും!

മുറിവുണങ്ങിയാലും പാടുകൾ ശേഷിക്കും,

മറവിയുടെ തീരത്തും സ്മരണകൾ തെളിയും,

സ്നേഹത്തിൻ ഭാഷയിൽ മാധുര്യം ചേർത്താൽ,

ബന്ധങ്ങൾ തകരാതെ പൂത്തുലഞ്ഞീടും!

ആശ്വാസമേകട്ടെ അധരങ്ങളിൽനിന്ന്,

ആർദ്രത നിറയട്ടെ പെരുമാറ്റമാകെ,

കരുണയാൽ കോർത്തൊരു ജീവിതമെങ്കിൽ,

സൗഹൃദം പൂത്തുലയും ഭൂമിയുടെ മാറിൽ!

രചന

ജീ ആർ കവിയൂർ

09-10-2026

(തിരുവല്ല, കവിയൂർ)