Tuesday, November 5, 2013

മധുരം മധുരം മലയാളം

മധുരം മധുരം മലയാളം

മധുരം മധുരം മലയാളം
മലരട്ടെ നിൻ സുഗന്ധം
മലയോളം ഉയരട്ടെ നിൻ നാമം
മാറ്റൊലി കൊള്ളട്ടെ നിൻ നാദം

കേരത്തിൻ കൈയ്യാൽ മാടിവിളിക്കും
കലകളുറങ്ങും കഥകളി തെയ്യം തിറതുള്ളും
കവിത്രയങ്ങളുറങ്ങും കാമിനിയാം
കര കവിയും മനസ്സിൻ ആശാ സങ്കേതം

നന്മ നിറയ്ക്കും മനസ്സിലെന്നും മലയാളം
നിത്യം പുണ്യം പകരും സുന്ദരി എൻ മലയാളം
നാനാ വർണ്ണ ജാതികളിൽ പുലരട്ടെ എൻ മലയാളം
നിറയട്ടെ പകരട്ടെ സിരകളിൽ ശക്തി എൻ മലയാളം


മകര മഞ്ഞിൻ കുളുർമ്മനല്‍കുമെൻ മലയാളം
മാന്തളിരിൻ  മാമുണ്ട് കൂവിവിളിക്കും കോകിലമെൻ മലയാളം
മധുരമധി മധുരമെൻ മയിലാടും മോഹനമെൻ മലയാളം
മറക്കില്ലൊരിക്കലുമെൻ മനസ്സിൽ നിന്നുമെൻ അമ്മ മലയാളം 

No comments: