Wednesday, November 27, 2013

നാം എന്ത് കുറ്റം ചെയ്യ്തു

നാം എന്ത് കുറ്റം ചെയ്യ്തു

നിന്നെ കുറിച്ചുള്ള പാട്ടുകളൊക്കെ
ഏറെഞാന്‍ പാടി നടന്നിരുന്നു
കണ്ണെഴുതി പൊട്ടു തൊട്ടു
കരിവളയിട്ടു പട്ടുപാവാടയും ചുറ്റി
കൊലുസ്സുമിട്ടു നിന്‍ വരവിന്നും
ഞാനോര്‍ക്കുന്നു ഇന്നലെപോലെയിന്നും
നിനക്കായിയെത്ര ആമ്പല്‍പ്പൂവിറുത്തു തന്നു
മാവില്‍നിന്നും മാമ്പഴം പറിച്ചുതന്നു
ഇന്ന് നീ ഓര്‍ക്കുന്നുവോ ആവോ
ഓര്‍ത്താലും പല്ലില്ലാ മോണകാട്ടി
ചിരിക്കുന്നുണ്ടാവും കൊച്ചുമക്കളോടോപ്പം
ഞാനതൊക്കെ ഓര്‍ത്ത്‌ വടിയും
കുത്തി ,നാം കളിച്ചു നടന്ന തൊടികള്‍
തേടി നടന്നു പക്ഷെ കണ്ടതൊക്കെ
ബഹുനില കെട്ടിടങ്ങള്‍, നാം എത്ര
മാറിയിരിക്കുന്നു കണ്ടിട്ടും കാണാതെ
നടന്നകലുന്നു ,എന്തെ നാമൊക്കെ
ഇങ്ങിനെ ആയിമാറിയത് ,ഇന്നലെ
മക്കള്‍ അടക്കം പറയുന്നത് കേട്ട്
ഞാനല്‍പ്പമോന്നു ഞെട്ടാതെ ഇരുന്നില്ല
അവര്‍ എന്നെ എങ്ങോട്ടോ നാടുകടത്തുന്നുയെന്നു
നിനക്കുമുണ്ടോ ഈവിധ ദുര്‍വിധികള്‍
പണ്ട് ഏതോ പാപത്തിന്‍ ചെയ്യ് തികള്‍ തന്‍
ഫലമാണോ അതോ മക്കളെ കൂട്ടിലിട്ടു
വളര്‍ത്തിയതിന്‍ പകരം വീട്ടുകയാണോ
നാമെത്ര നിസ്സാരര്‍ എന്ന് അറിയുമ്പോള്‍
കണ്ണു രണ്ടും നിറയുന്നു എന്ത് ചെയ്യാം

1 comment:

ബൈജു മണിയങ്കാല said...

വിധി അല്ലാതെന്തു പറയാൻ