അയ്യപ്പ ഭക്തി ഗാനം

അയ്യപ്പ ഭക്തി ഗാനം

സ്വാമി ശരണം , ശരണം അയ്യപ്പാ

സ്വാമി ശരണം , ശരണം അയ്യപ്പാ(2)

വ്രതശുദ്ധിയാൽ മനസ്സ് ശുദ്ധമാക്കി

അഖണ്ഡ ചിന്തയിൽ സ്വാമിയെ സ്മരിച്ചു

നിത്യം സ്വാമി നാമം ഹൃദയം നിറച്ചു

പാപം മായ്ച്ചു, ഭക്തിയിൽ ലയിച്ചു (2)

സ്വാമി ശരണം , ശരണം അയ്യപ്പാ

പമ്പയിലെത്തുന്നു, പ്രഭാതവേളയിൽ

നീലിമലയിലൂടെ കാൽനടയാത്ര ആരംഭിച്ചു

ശബരിപീഠത്തെ തേടിയുയരുന്നു മധുരം

പ്രകൃതിയിലെ ഗാനങ്ങളോടെ യാത്ര തുടരുന്നു(2)

സ്വാമി ശരണം , ശരണം അയ്യപ്പാ

പതിനെട്ടു പടികൾ കയറുന്നു

സ്വാമി സാന്നിദ്ധ്യത്തിലേക്ക്

ഓർമ്മകളിൽ ഭക്തിയുടെയും ശാന്തിയുടെയും നിർവൃതി

ദർശനം കൈവരുന്നു, ഹൃദയം മുഴുവൻ തുടികൊട്ടി

തത്ത്വമസി അറിഞ്ഞു കൃതജ്ഞതയുടെ അനുഭൂതിയിൽ മുഴുകി(2)

സ്വാമി ശരണം , ശരണം അയ്യപ്പാ

തിരികെ പോരുമ്പോൾ ഭക്തി നിലനിർത്തി

സ്വാമിയുടെ അനുഗ്രഹം ഹൃദയത്തിൽ നിറഞ്ഞു

ജീവിതം സമ്പൂർണ്ണമായി സ്വാമിയിൽ ലയിച്ചു

നിത്യസ്മരണയിൽ ശരണംവിളിച്ചു, സ്വാമിയെ ശരണം അയ്യപ്പാ(2)

സ്വാമി ശരണം , ശരണം അയ്യപ്പാ

ജീ ആർ കവിയൂർ

17 11 2025

(കാനഡ, ടൊറൻ്റോ)

ആത്മാവിഷ്കാരങ്ങള്‍