തിരികെ വരാതെ

തിരികെ വരാതെ

പെയ്തൊഴിഞ്ഞതും

ഒഴുകിയകന്നവയും

ബാല്യകൗമാരവും 

തിരികെ വരാത്ത തീയ്യതിയും

തൊടുത്തുവിട്ട അമ്പും

പറഞ്ഞു തീർത്ത വാക്കും 

കത്തിത്തീർന്ന മെഴുകുതിരിയും 

ഉരച്ചു തീർത്ത തീപ്പെട്ടിക്കൊള്ളിയും

കഴുകിക്കളയാനാവാത്ത

വിഴുപ്പാർന്ന ചിന്തകളും

വക്കുടഞ്ഞ ചില്ലുപാത്രവും

തിരികെ ചേരാത്ത പുഴയും

 ഇല്ല , ഇതൊക്കെ യിനിയും

 വരില്ല തിരികെയെന്നു

വർഷാവസാന മോർക്കുന്നു ,

പുതുമയാർന്ന ആലോചനകൾ .

ജീ ആർ കവിയൂർ 

30 12 2021