Tuesday, August 23, 2016

എന്റെ പുലമ്പലുകള്‍ 58

എന്റെ പുലമ്പലുകള്‍ 58
നേരറിയാതെ നിറമറിയാതെ
നീയെന്നെ ഒരു ജീവിത കാമുകനാക്കി
നീന്തി നടക്കുമി സംസാര സാഗര
നോവിന്റെ നേരോക്കെയറിയാതെ
നിയമങ്ങള്‍ തീര്‍ക്കുമാഴങ്ങളിലെ
നിലയില്ലാകയങ്ങളിലാഴത്തി

കേട്ടും കണ്ടും അനുഭവിച്ചും
കിനാവിന്റെ കരാളനമേറ്റ്
കൊടിയ കുന്നുകള്‍ കയറിയിറങ്ങി
കനിവിന്റെ കണ്‍കോണിനായി
കാത്തു കാത്തങ്ങു ഇരുന്നു
കാലത്തിന്‍ കോലായിലായി
ഇനിയെത്ര നാളിങ്ങനെ
ഇരിപ്പു ഭൈമികാമുകനായി
ഇണയറ്റു തുണയറ്റു
ഈണം മറന്നങ്ങു ഇലയറ്റു വീണു
ഇമപൂട്ടും നേരത്തു അരികത്തു നീ
ഇരിക്കണേ ഇഴചേര്‍ക്കുവാനായി
ജീ ആര്‍ കവിയൂര്‍
23-08-2016

No comments: