Tuesday, September 29, 2015

എന്‍ തൂലികതുമ്പിലെ നീ


എന്‍ തൂലികതുമ്പിലെ നീ

കളിമണ്ണാല്‍ തീര്‍ത്ത
ഉടഞ്ഞ സ്വപ്നങ്ങളില്‍
നിന്റെ മുഖം വേറിട്ട്‌ നിന്നു


നിന്റെ കണ്ണുകളുടെ
ആഴം ഞാന്‍
മറച്ചു

നിശ്വാസങ്ങളുടെ
ധാരയാല്‍ ഞാന്‍
തെന്നിയകന്നു

പുഞ്ചിരിയുടെ
തിളക്കത്തില്‍ ഞാന്‍
മിന്നി

നിന്റെ ചുണ്ടുകളുടെ
താളത്താല്‍
ഞാന്‍ നൃത്തം വച്ചു

നിന്റെ നിഴലിന്റെ
മറവിലുടെ
ഞാന്‍ നടന്നു

കളിമണ്ണാല്‍ തീര്‍ത്ത
ഉടഞ്ഞ സ്വപ്നങ്ങളില്‍
നിന്റെ മുഖം വേറിട്ട്‌ നിന്നു

നിറങ്ങള്‍ ഒരിക്കലും
കണ്ണുകെട്ടി കളിച്ചില്ല
നമ്മുടെ പ്രയാണത്തില്‍

നിന്റെ മുദ്രണമാര്‍ന്ന
ഓര്‍മ്മകളില്‍
ഞാന്‍ സന്തോഷിക്കുന്നു

നിനക്കറിയില്ല
എന്റെ സ്വപ്നത്തില്‍
നിറഞ്ഞു നില്‍ക്കുന്നു

നിനക്കറിയില്ല
നിനക്കായി ഞാന്‍
തുറന്നിട്ടു എന്‍ ഹൃദയം


നിമിഷങ്ങളുടെ ഇടയില്‍
വേര്‍പെട്ടു അകലുമ്പോള്‍
വാതായനങ്ങളുടെ കരച്ചില്‍
നീ കേട്ടില്ല അല്ലെ


നീ വാക്കാല്‍ നോവിച്ചു
ഞാന്‍ മഷിയാല്‍
മുറിവേല്‍പ്പിച്ചു

നിനക്കായി നിനക്കായി മാത്രം
എന്‍ തൂലിക
ചലിക്കുന്നു കവിതേ


1 comment:

വീകെ said...

കവിതയെപ്പറ്റി ഞാനഭിപ്രായം പറയുന്നത് ശരിയല്ല. ആശംസകൾ മാത്രം.....