രവിഉണരും മുൻപേ

രവിഉണരും മുൻപേ

രവിഉണരും മുൻപേ

കവി ഉണർന്നെഴുതി,

കവിത വിരിഞ്ഞു—

വാനം തുടുത്തു ചുവന്നു.

കിളിക്കൂട്ടങ്ങൾ പാടിയിറങ്ങി,

വാനം നോക്കി പറന്നുയർന്നു,

അകലങ്ങളിലന്നത്തിനായ്

ചിറകുകൾ നീട്ടി പറന്നു.

നദിയൊഴുകി താലോലം,

പുളകം കൊണ്ടു കരയാകെ;

പുൽമേടുകളിൽ മേഞ്ഞുനടന്നു

കാലികളും ഇടയരും.

മലകളെ തൊട്ടുരുമ്മി

കാറ്റ് സുഗന്ധം പകർന്നു;

മുളങ്കാട്ടിലൂടെ മൂളിയകന്നു,

മോഹനരാഗം മുഴങ്ങി എങ്ങും.

പ്രകൃതിയാകെ പ്രതിധ്വനിച്ചു,

സന്ധ്യയുടെ വരവോടെ

ആകാശമേഘങ്ങൾ

കാവിയുടുത്തു.

ഇതെല്ലാം കണ്ടും കേട്ടും

മെല്ലെ നടന്നു—

പതുക്കെ വാക്കുകളുടെ വഴിതേടി...

അപ്പോഴും

ജി. ആർ. നടന്നുകൊണ്ടേയിരുന്നു...

രചന: ജീ ആർ കവിയൂർ

07-09-2026

(തിരുവല്ല, കവിയൂർ)