നിൻ സ്നേഹം മാത്രം മതി, യേശുവേ.

നിൻ കൃപ മാത്രം മതി

ഒന്നോർക്കുകിൽ നിൻ കൃപ മാത്രം മതി,

എൻ ജീവിതത്തിൽ നീയുണ്ടെങ്കിൽ മതി.

ഇരുളിൽ തെളിയുന്ന ദീപം നീയല്ലോ,

ഇടറുന്ന വഴിയിൽ തുണയും നീയല്ലോ,

കണ്ണുനീർ വീഴുമ്പോൾ ആശ്വാസമേകണേ,

കരുണയാൽ എൻ ഹൃദയം നിറച്ചിടണേ.

നിൻ കൃപ മാത്രം മതി, യേശുവേ,

നിൻ സ്നേഹം മാത്രം മതി, യേശുവേ.

കാറ്റും കടലും ഉയർന്നാലും ഭയമില്ല,

കർത്താവേ നിൻ സ്നേഹത്തിൽ പേടിയില്ല,

തകർന്ന മനസ്സിന് പുതുജീവൻ നൽകണേ,

തെറ്റിയ വഴിയിൽ നിന്നും എന്നെ നേർമാർഗത്തിൽ നയിച്ചിടണേ.

നിൻ കൃപ മാത്രം മതി, യേശുവേ,

നിൻ സ്നേഹം മാത്രം മതി, യേശുവേ.

അവസാനം വരെ നിൻ പാദം തേടിടും,

ആശയോടെ നിൻ നാമം പാടിടും,

എൻ ശ്വാസം തീരും നാൾവരെ യേശുവേ,

നിൻ കൃപ മാത്രം മതി എൻ ജീവിതമേ.

നിൻ കൃപ മാത്രം മതി, യേശുവേ,

നിൻ സ്നേഹം മാത്രം മതി, യേശുവേ.

രചന: ജീ ആർ കവിയൂർ

11 -09-2026

(തിരുവല്ല, കവിയൂർ)