യവന ലോകത്ത് നിന്നും വന്ന

ഹൃദയ ഗായക നിൻ മനോരഥത്തിൽ,

മധുരമാം സ്വരമായ് നീ പകർന്നിടും

മനസ്സിലെ മോഹങ്ങൾ പൂവണിയുമേ.

നിലാവിൻ നറുപുഞ്ചിരി വീണിടുമ്പോൾ,

നിശാഗന്ധി പൂവുകൾ മണമേകുമ്പോൾ,

നിനക്കായ് കാത്തൊരു മൗനവീഥിയിൽ,

നിറമാർന്ന സ്വപ്നങ്ങൾ പൂത്തുലയുമേ.

നീലാകാശത്തിൻ താരകശോഭയിൽ,

നിന്നോർമ്മകൾ പൂവായ് വിരിഞ്ഞിടുമ്പോൾ,

തേൻമഴയായ് നീ പെയ്തിറങ്ങുമ്പോൾ,

തളിരിടും എൻ മാനസവീണയും.

അകലെയാണെങ്കിലും അരികിലായ് തോന്നും,

അറിയാതെ നീയെൻ സ്വപ്നമായ് മാറും,

പറയാത്ത വാക്കുകൾ ഗാനമായ് മാറി,

പാതിരാവിൽ നീയെന്നിൽ പാടുമേ.

രചന: ജീ ആർ കവിയൂർ

12 -09-2026

(തിരുവല്ല, കവിയൂർ)

ആത്മാവിഷ്കാരങ്ങള്‍