ഓശാന, ഓശാന, ഓശാന!

ഇനിയെനിക്കൊന്നുമേ വേണ്ട നാഥാ,

ശിരസ്സിൽ നിൻ

തൃക്കരങ്ങൾതൻ 

സ്പർശംമതി, നിൻ കൃപമതി!

മോഹങ്ങളാം തിരകൾവന്നെന്നെ

തീരത്തുനിന്നു കൊണ്ടുപോകുമ്പോൾ, 

നീമാത്രമാശ്രയമെന്നുമെൻ ദൈവപുത്രാ! 

മോഹമേറുമെൻ മനസ്സിൻ്റെ യാത്രകളെന്നെ തളർത്തവേ,

മരുജലമായി ഞാനറിയുന്നു നിൻ്റെ സാമീപ്യം;

അറിയുന്നു നിൻ കരുത്ത്

നിത്യമറിയുന്നു നിൻ കരുതൽ!

ഇഹപരലോകത്തിലെന്നുമെന്നും 

നിൻനാമം മുഴങ്ങട്ടെ;

എന്നുമെന്നും മുഴങ്ങിടട്ടെ!

മിശിഹാകർത്താവിനോശാന;

ഓശാന, ഓശാന, ഓശാന!

 ജീ ആർ കവിയൂർ 

17/08/2024