കുറും കവിതകള്‍ 442

-
കുറും കവിതകള്‍ 442


മലയാണ്മയുടെ
മടിത്തട്ടില്‍ ജല യാത്ര
കേരവൃക്ഷങ്ങളുടെ വെഞ്ചാമരം

ഇലപച്ചയുടെ
ഇടയില്‍ തേടുന്നു
ശലഭം തേന്‍മലര്‍

ശിശിരാകാശം .
ശിഖരങ്ങള്‍
വസന്തം കാത്ത് ..!!

വണ്ടുമകന്നു , വാടി
ഞെട്ടറ്റു വീഴാറായി
പുനര്‍ജന്മം  കാത്ത് ..!!

വാക്കുകളില്ലാതെ
ഒഴിഞ്ഞ താള്‍.
മരണം ..!!

വേരുകളുടെ സുരതം
കാണാന്‍ ആവാതെ
ശിഖിര ചുംബനം

മരച്ചില്ലകള്‍ക്കിടയില്‍
വിടരും മനം മയക്കും
നിലാപൂഷ്പമോ ചന്ദ്രന്‍

മരണം വഴിത്താരയും
ജീവിതം യാത്രയും
ആത്മാവു മാര്‍ഗദര്‍ശനവും

വെയിലേറ് കൊണ്ട്
തീയില്‍ കുരുത്തു
ഉരുക്കാകുന്ന തെരുവിന്‍ ജന്മങ്ങള്‍..!!

ജയപരാജയങ്ങളുടെ
ചരിത്രം പറയുന്നു.
കല്‍പടവുകള്‍  ..!!

ചന്ദന ഗന്ധം
ദീപപ്രഭ
ആത്മ സായുജ്യം

നാനാത്വത്തില്‍ ഏകത്വം.
മനസിജ സ്വപ്നം
ഒരൊറ്റ ഇന്ത്യ ,,,!!


തുമ്പി പാറി
തുമ്പം അകറ്റുന്നു .
തുമ്പക്കാഴ്ച..!!

കൽ വിളക്കിലെ
തിരിനാളം.
അണക്കാന്‍  കാറ്റ് !!

അത്താഴ കഞ്ഞിക്കു
ചുള്ളി വിറകുമായി
കാടകം താണ്ടുന്നു ജീവനം


മണല്‍ കാടിലുടെ
അകലങ്ങള്‍ താണ്ടുന്നു
അഴലിന്‍ ആഴങ്ങള്‍ക്കായി ..!!

മൗനം പേറും
സ്വപ്നങ്ങളുടെ
സുഖദുഖ യാത്ര ..!!

നീളുന്നുണ്ട്
ദാഹവും വിശപ്പും .
നാളേക്കുള്ള സമ്പാദ്യത്തിനായി  ..!!




Comments

Post a Comment

Popular posts from this blog

കുട്ടി കവിതകൾ

-
കുട്ടി കവിതകൾ  മഴ  ചറപറ ചടപട മേളം ചോരാതെയിരുന്നൊരു കൂര തവളക്കുഞ്ഞിനായി വിരിഞ്ഞൊരു കട കാണാന്‍ എന്ത് ചന്തം കൂണിന്‍കുട കണ്ടു അയലത്തെ കുഞ്ഞി ചേച്ചിക്കും ഉണ്ണിക്കുമാകെ സന്തോഷം ചറ പറ പെയ്തു മഴ ........ സ്നേഹം  കാക്കക്കും പൂവാലിപയ്യിനു  തന്‍ കുഞ്ഞിനോടെന്ന പോലെ അച്ഛനുമമ്മക്കും അനുജത്തിക്കും എന്നോടു ഏറെ സ്നേഹം   കൃഷി നാല്‍ക്കാലിയാല്‍ ഉഴുതുമറിച്ചു വാരിവിതറി വിത്ത്‌ മുളച്ച വയലില്‍ വെള്ളംകൊടുത്തു  വളം നല്‍കി കൊയ്യ്തു മെതിച്ചു നെല്ലോക്കെ കുത്തിയെടുത്തയരിയാല്‍ നാണിയമ്മ ഉണ്ടാക്കിയ കഞ്ഞി കുഞ്ഞി കുടിച്ചു ആര്‍ത്തിയോടെ കൃഷിയെന്തെന്നുഅറിയാതെ സ്വാതന്ത്ര്യം  കാട്ടിൽ നിന്നും കൊണ്ട് വന്നൊരു തത്തയെ കൂട്ടിലിട്ടു വളർത്തി ചേട്ടൻ ചേട്ടനെ  പൂട്ടിയിട്ടമ്മ ഒരുനാൾ തുറന്നു വിട്ടു ഞാനൊന്ന് അമ്മകാണാതെ സ്വാതന്ത്ര്യമെന്തന്നു അറിഞ്ഞൊരു നേരം കൂട്ടിലിട്ടു വളര്‍ത്തിയ തത്തയെ മാനം കാട്ടി പറത്തി വിട്ടു ചേട്ടൻ --------------------------------------------------------------------------------------------------------- മുകളില്‍ ഉള്ള കവിതകള്‍ പ്രൈമറി ക്ല...
തുടര്‍ന്നുവായിക്കൂ

കുറും കവിതകൾ ഒരു ചെറു പഠനം - ജീ ആർ കവിയൂർ

-
കുറും കവിതകൾ ഒരു ചെറു പഠനം  ജീ ആർ കവിയൂർ  മനുഷ്യ മനസ്സുകളിൽ ഉള്ള വൈകാര്യമാർന്ന കാര്യങ്ങളെ കുറഞ്ഞ വാചകത്താൽ  അനുവാചകനെ ഒരു ആഹാ നിമിഷം സൃഷ്ടിക്കുവാൻ ഉതകുന്ന ഒരു എഴുത്തു രീതി  പലരും പലരീതികൾ അനുവർത്തിച്ചു പോരുന്നു , പ്രാചീന കാലം മുതൽക്കേ ഇവകൾ എഴുതിയിരുന്നു ചിലർ അതിനെ നുറുങ്ങു കവിതകൾ , ഒറ്റവരി കവിതകൾ , മൂന്നു വരി കവിതകൾ നാല് വരി കവിതകൾ എന്ന് പറയും  നമ്മുടെ മണ്മറഞ്ഞു പോയ കവികൾ എഴുതിയവ  കവിളൊട്ടിയ കടവ്- എല്ലുന്തിയ ചുവന്ന അമ്പലപ്പടി ചൂണ്ടുന്ന പാത   -മഹാ കവി പി.കുഞ്ഞിരാമന്‍നായര്‍ യൂസഫലി കേച്ചേരിയുടെ കുറുങ്കവിതകൾ  ഗുണ്ടകള്‍ ഉണ്ടാകുന്നത് കള്ളനും പോലീസും ഒത്തുകളിക്കയാല്‍  ഗുണ്ടയെ വെച്ചു പൂജിപ്പൂ ലോകം ...................................................... കവിയുടെ ധര്‍മ്മം വാടിയില്‍ പൂകൊഴിഞ്ഞപ്പോള്‍ മഹാകവി പാടി, പുഴുവതു തിന്നുതീര്‍ത്തു ................................................... പക്ഷവാദം വാമപക്ഷം സര്‍ക്കാരുണ്ടാക്കിയാല്‍ നന്ദി ഗ്രാമത്തിന്‍ രക്തവും പച്ചവെള്ളം ........................................................ ഇറക്കം ഏറ്റമിറക്കവുമുള്ള മണ്ണില്‍ ...
തുടര്‍ന്നുവായിക്കൂ

“ സുപ്രഭാതം “

-
Image
“ സുപ്രഭാതം   “ പ്രഭാത രശ്മികള്‍ മുട്ടിവിളിച്ചു എന്‍ അടഞ്ഞ മിഴികളില്‍ മൃദുലമായ കാറ്റ് മുടിയിഴളെ നൃത്തം വെപ്പിച്ചു എന്‍ മുഖത്തെക്കു . കിളികള്‍ പാടി കാതുകള്‍ക്ക്  സ്വാന്തനം പ്രഭാത ഗാനമായി എന്‍ മനസ്സിനെയും ശരീരത്തെയുമുണര്‍ത്തി രാവിന്‍ സ്വപ്നത്തിന്‍ ഓര്‍മ്മകള്‍ ചുംബന ശീല്‍ക്കാരമായി നിന്‍ നിശ്വാസവും വെയിലേറ്റു ഉണര്‍ന്നു കണ്മിഴിച്ചു വീണ്ടുമൊരു പുതു ഉണര്‍വ് തരും സുപ്രഭാതം
തുടര്‍ന്നുവായിക്കൂ