Friday, November 6, 2015

കുറും കവിതകള്‍ 435

കുറും കവിതകള്‍ 435

നൊമ്പരങ്ങളുടെ
നിറകൂട്ടാണ്
എന്റെ കവിത

മൗനം എന്നിലേക്ക്‌
തുഴഞ്ഞു അടുത്തിരുന്നെങ്കില്‍
അസ്വസ്ഥത നിറക്കുന്നു കവിത

കടവത്തെ തോണി
കാത്തിരുന്നു മഴനൂലും
ഒപ്പം അവളുടെ ഉണ്ട കണ്ണുകളും

ഓര്‍മ്മകളുറങ്ങും
നാട്ടുവഴിയില്‍
ചീവിടുകള്‍ മൗനമുടച്ചു .

ഓലഞാലികള്‍
കൂടുകുട്ടുമെന്‍ നാട് .
ഒന്നങ്ങു പോയാലോ ..!!

മലയും ആകാശവും .
കണ്ണുകള്‍ കൂട്ടി മുട്ടി
പ്രണയാതുര നിമിഷങ്ങള്‍ ..!!

മഞ്ഞിന്‍ ചുംബനം
മലകള്‍ക്കു കുളിര്
കാറ്റില്‍ തേയില ഗന്ധം

മൗനമുടച്ചു
ഓളം തള്ളി .
ഒരു ജല യാത്ര

കുയില്‍ മൗനമുടച്ചു
കാടിന്‍ ഹൃദയ ഭംഗി .
കാറ്റു ഷൂളം കുത്തി

ഏകാന്തതയില്‍
ചിറകു വിരിച്ചു .
വിരല്‍ തുമ്പില്‍ കവിത !!

No comments: