Tuesday, November 3, 2015

കുറും കവിതകള്‍ 429

കുറും കവിതകള്‍ 429


നിറങ്ങളില്‍ മണങ്ങളില്‍
മയങ്ങുമാറു പ്രകൃതിയുടെ
വികൃതിയാര്‍ന്ന അതിജീവനം

മഞ്ഞിന്‍ കണങ്ങല്‍ക്കിടയില്‍
പറവകള്‍ തേടുന്നു
കടല്‍ കാറ്റൊടോപ്പം അതിജീവനം

നഗ്നമാം ചില്ലകളില്‍
സന്ധ്യാ വര്‍ണ്ണം ചാര്‍ത്തി
പ്രവാസ ദുഃഖം

ഘനശ്യാമ സന്ധ്യയില്‍
മരുഭൂവിലെ മണലിന്‍
വിരഹ കാവ്യം രചിച്ചു കാറ്റ്

കൂടണയും നേരത്ത്
ചക്രവാള പൂവിതള്‍
കൊഴിഞ്ഞു സാഗരത്തില്‍ വീണു

സന്ധ്യാരാഗമൊരുങ്ങി
പടിഞ്ഞാറെ ചക്രവാളത്തില്‍
കടലലക്കൊപ്പം ഒരു ജുഗല്‍ബന്ദി

സന്ധ്യാംബര മേഘങ്ങളും
കേരവൃക്ഷ തലപ്പുകളും
നിഴല്‍നോക്കി നില്‍ക്കുന്നു മോഹനം

പ്രണയ വസന്തം
വിരുന്നുവന്നു
ജാലകവേളിയില്‍

വിരഹമേറിയ
സന്ധ്യ വന്നു
വിഷാദം നിറച്ചകന്നു

ഒരുമഴ മേഘകണം
ഒരുങ്ങി ഇറങ്ങി
പീലിവിടര്‍ത്തിയാടി

ഇലച്ചാര്‍ത്തിനിടയില്‍
പ്രത്യാശയുടെ പൊന്‍ കിരണം .
ശുഭമാര്‍ന്ന സുപ്രഭാതം

No comments: