വിരഹമഴ

വിരഹമഴ

[പല്ലവി]

ഉള്ളിൽ നീ ഉണ്ടെന്ന് അറിഞ്ഞിട്ടും

പെയ്യുന്നതെന്തേ നോവിൻ പെരുമഴ

അകലെയാണെങ്കിലും എൻ ഹൃദയത്തിൽ

മൗനാക്ഷരങ്ങളായ് നീ പെയ്തിറങ്ങി…

[അനുപല്ലവി]

ചക്രവാളങ്ങൾക്കപ്പുറം നീയുണ്ടെന്നോ

നിലാവിൻ കിരണങ്ങൾ പറഞ്ഞതെന്നോ

തേടിയലയുന്ന എൻ മിഴികളിൽ

തീരാത്തൊരു കാത്തിരിപ്പായ് നീ…

[ചരണം 1]

ഒരിക്കൽ നീ തന്ന പുഞ്ചിരിപോലും

ഇന്നെൻ ഓർമ്മയിൽ നനവായ് മാറി

തൊടാതെ പോയ നിൻ വിരൽത്തുമ്പിൽ

തളിർന്നൊരു സ്വപ്നം വാടാതെ നിന്നു

കാറ്റിൽ അലിഞ്ഞൊരു ഗന്ധമായ് നീ

കാതിൽ പതിഞ്ഞൊരു ഗാനമായ് നീ

പറയാതെ പോയ നിൻ വാക്കുകളെല്ലാം

എൻ നെഞ്ചിൽ ഇന്നും മിടിപ്പായ് മാറി

[പല്ലവി]

ഉള്ളിൽ നീ ഉണ്ടെന്ന് അറിഞ്ഞിട്ടും

പെയ്യുന്നതെന്തേ നോവിൻ പെരുമഴ

അകലെയാണെങ്കിലും എൻ ഹൃദയത്തിൽ

മൗനാക്ഷരങ്ങളായ് നീ പെയ്തിറങ്ങി…

[ചരണം 2]

രാവിൻ ജനലഴി നിലാവൊഴുകുമ്പോൾ

നിന്നെ വിളിക്കുമെൻ ഏകാന്തതയിൽ

മഴത്തുള്ളിപോലെ മിഴിനീർ വീഴും

മറക്കുവാനാകാത്ത പ്രണയമേ നീ

അകലങ്ങൾ തീർത്ത വഴികളിലൂടേ

തിരികെ വരുമെന്ന പ്രതീക്ഷയോടെ

മൗനത്തിൻ തീരത്ത് കാത്തിരിപ്പൂ ഞാൻ

നീയൊരു മഴയായ് പെയ്യുമെന്നായ്

രചന: ജി ആർ കവിയൂർ

04 09 2026

( തിരുവല്ല , കവിയൂർ)

…