കനകാംബരമേ നീ - ലളിത ഗാനം

 കനകാംബരമേ നീ -  ലളിത ഗാനം 

കനകാംബരമേ നീ

അംബരം നോക്കി നിൽപ്പതാരെ  . (2)

അകക്കാമ്പിലെ വിരിഞ്ഞ നോവിനാൽ 

ധ്യാനിപ്പതാരെയാണോ.

അണയാതെ കനലായ് 

ഹൃത്തിൽ വിരിഞ്ഞു സങ്കടപ്പൂ

ആറാത്ത നോവ്‌ അലറി തീർക്കുന്നു

ആഴക്കടൽ തീരത്തിനോട്  ( 2)

(കനകാംബരമേ നീ..)

എന്നുമിങ്ങനെ നിന്നങ്ങു

ശലഭ ചുംബനമേറ്റ് കഴിയുന്നു

നീയെത്ര ധന്യ നീയിത്ര സുന്ദരി

മലർമാല്യമായി നിന്നെ ചൂടുന്നുവല്ലോ

കരിയും വരെ ചിരിതൂക്കി നിലപ്പു.

(കനകാംബരമേ നീ..)

ജീ ആർ കവിയൂർ

01.07.2021