Sunday, April 3, 2016

നിത്യശാന്തിയുടെ കൈകളില്‍

നിത്യശാന്തിയുടെ കൈകളില്‍

വിയര്‍പ്പാര്‍ന്ന പകലിന്റെ
നോവിന്‍ മുന്നില്‍ വറ്റിവരണ്ട
കണ്‍ തടങ്ങളില്‍ ലവണപ്പരലുകള്‍

വീണു കിടക്കും നോമ്പരങ്ങള്‍ക്ക്‌
നേരെ നീട്ടുവാന്‍ കൈകള്‍ ആശക്തമോ
തിരിഞ്ഞൊന്നു നോക്കാതെ കടന്നകലുന്നു

നിണം ചാറിയ വെട്ടു വഴികളില്‍
എന്തിനും ഏതിനും നാവുനീട്ടും
പൈദാഹത്തിന്‍ കറുത്ത നിഴല്‍

വെന്തുരുകി ഒഴുകും വേനലിന്‍
കരാള ഹസ്തങ്ങള്‍ പിടി മുറുക്കുന്നു
മിഴികള്‍ അസ്ഥപ്രജ്ഞരായി

മുടന്തിനീങ്ങും ജീവന്റെ കണികകള്‍
മൃതപ്രാണനായ വെളിച്ചത്തെ
വിഴുങ്ങുന്നു രാത്രി സര്‍പ്പം

കണ്ണിന്‍ കറുപ്പില്‍ അല്‍പ്പം
വെണ്ണിലാവു പുരട്ടുന്നു
പാലമൃതിന്‍ സ്വാന്തനം

അഴലിന്റെ ആഴങ്ങള്‍ക്ക്
സുഖ സുന്ദര സ്വപ്നത്തിന്‍
കുളിര്‍ തൂവലുകള്‍ പോലെ

പ്രത്യാശയുടെ പൊന്‍ വെളിച്ച മധുരം
അദൃശ്യകരങ്ങളുടെ  കരലാളനം
ഹോ !! നാഥാ നീ നല്‍കും  നിത്യശാന്തിയുടെ സംതൃപ്തി ..!!



No comments: