Friday, April 29, 2016

കുറും കവിതകള്‍ 596

കുറും കവിതകള്‍ 596

കാക്കകള്‍ പടകുടി
ഒരു കല്ലെറിഞ്ഞാല്‍
പറന്നകലും എല്ലാം ..!!

വിരഹത്തിന്‍ വേനലില്‍
എല്ലാം മറന്നു പാടി
ഒക്കെ അവള്‍ക്കുവേണ്ടി ...!!

എണ്ണവറ്റാതെ കത്തുണ്ട്
ഓര്‍മ്മയില്‍ ഇന്നും .
പോയ്‌ പോയ വസന്ത രാവുകള്‍ ..!!

കാത്തിരിപ്പിന്റെ
തിരിനാളം അണഞ്ഞു
പകല്‍ വന്നു , അവന്‍ വന്നില്ല ..!!

മിഴികളില്‍ ഭയം
ഒന്നുമറിയാതെ
തോട്ടിയുടെ ബലത്താല്‍ ..!!

മരണത്തെ വരിച്ചവന്‍
പാദ മുദ്രയാല്‍
വഴി കാട്ടുന്നു ..!!

നീലവാന ചുവട്ടില്‍
മയങ്ങുന്നു സുന്ദരിയാം
എന്‍ ഗ്രാമം ..!!

വേനലിന്‍ പോക്കുവെയിലില്‍
വിരഹനോവുമായി .
വെന്തുരുകി ഒറ്റമരം ..!!

വയല്‍ വരമ്പിലുടെ
ഉറച്ച കര്‍ഷക ചുവട്.
ഇളം തമിഴക കാറ്റ് വീശി ..!!

മുന്നില്‍ ഉത്സവ മേളം
പിന്‍ കാഴചകളില്‍
ആരുമറിയാ നൊമ്പരങ്ങള്‍ ..!!

No comments: