Monday, April 25, 2016

കുറും കവിതകള്‍ 590

കുറും കവിതകള്‍ 590

ഞാനും നീയും മാത്രമുള്ള
നമ്മുടേതായ ലോകം.
ഇന്നു കൈവിട്ടകന്ന വസന്തം..!!

സുവർണ്ണ നിമിഷത്തിൻ
ശീതള സന്ധ്യയിൽ.
ചേക്കേറാൻ ഇടംതേടി ..!!

ഒരു സന്ധ്യ കൂടി
 വിടവാങ്ങുന്നു .
ആയുസ്സിന്‍ എണ്ണം കുറയുന്നു ..!!


തീരത്ത് ഏകനായി
കടല്‍ പുറ്റിന്‍ തപസ്സ്യ.
ഒരു സ്വപ്ന സാക്ഷാല്‍ക്കാരത്തിനായി ..!!

ഒരിക്കലും പരിഭവിക്കാതെ
തീരം കടലിനെ പ്രണയിച്ചു.
കണ്ടു ദീഘനിശ്വാസത്തോടെ അവള്‍ ..!!

രാമഴക്കൊപ്പം
മുറ്റത്തെ മുല്ല മണം.
ഓര്‍മ്മകളിലവള്‍ മാത്രം ..!!

നുരഞ്ഞു പതയുന്നുണ്ട്
മോഹങ്ങളുടെ നടുവില്‍.
കാറ്റിനും ലഹരി ...

പിടക്കുന്ന മീനുകള്‍
വള്ളം നിറയുന്നു
ഒപ്പം മനസ്സും ..!!

തുള്ളിയിട്ടു മോഹങ്ങള്‍
മഴയില്‍ കുളിച്ചു നിന്നു .
കല്ലുമായി വേനലവധി ..!!


No comments: