Thursday, April 7, 2016

കുറും കവിതകള്‍ 572

കുറും കവിതകള്‍ 572

വേനല്‍മഴ പെയ്യ്തു
ഏകാകിയാവള്‍
വെളിയിലേക്കും കണ്ണും നട്ടിരുന്നു ..!!

പട്ടണ തെരുവില്‍
വെയില്‍പെയ്യും പകലില്‍
ശലഭങ്ങള്‍ പാറിപറന്നു 

മഴവില്‍ തിളക്കങ്ങള്‍
മാനത്തിനോപ്പം
ചെമ്പില തുള്ളിയിലും 

തപാലുമായി വന്നവന്‍
ആദ്യം നീട്ടി പൂച്ചെണ്ട്
പിന്നിട് കത്തും

മുനിയാട്ടുകുന്നിന്‍ മുകളില്‍നിന്നും
സൂര്യന്‍ താഴുന്നു. 
അകലെ ചക്രവാള കടലില്‍ ..!!

ചാരുകസേരയില്‍ ഇരുന്നു
ഉയര്‍ത്തിയ കാല്‍ പാദ നിഴലുകള്‍
ഇന്ന് നോവിക്കുമോര്‍മ്മ ..!!

നിനക്കായി വിരിഞ്ഞു
നില്‍ക്കുമാ പനിനീര്‍ പൂവിനെ
നുള്ളി നോവിക്കാന്‍ മനസ്സുവന്നില്ല ..!!


വിടരാന്‍ കൊതിച്ചു
കാട്ടുതെച്ചി പൂവുകള്‍
പകലിനെ തപസ്സിരുന്നു ..!!

കുങ്കുമം വാരിപൂശി
ഒരുങ്ങി സന്ധ്യാ
രാവിനെ വരവേല്‍ക്കാന്‍ ..!!

എത്രസ്നേഹത്തോടെ
വളര്‍ത്തിയോരി കൈകളിന്നാര്‍ക്കും
വേണ്ടാതായിരിക്കുന്നു ..!!

മൗനം നിഴല്‍ പടര്‍ത്തി
നിലാവെണ്മക്കൊപ്പം
കുളിര്‍കാറ്റു വീശി ..!!

No comments: