Saturday, April 2, 2016

കുറും കവിതകള്‍ 568

കുറും കവിതകള്‍ 568

ആഴങ്ങളിലേക്ക് താഴുന്ന സൂര്യനും
ഉള്ളിലേക്ക് ഇറങ്ങുന്ന സുലേമാനിയും
പ്രവാസി നൊമ്പരങ്ങളും ..!!

കൗമാര ദിനങ്ങളില്‍
സുവര്‍ണ്ണ സ്വപ്‌നങ്ങള്‍
നോവുന്ന മനവുമായി പിതാവ് ..!!

കടലിന്‍ ആത്മാവിന്റെ
ആഴം അളക്കാന്‍
ചാളതടിയുമായി ജീവനം ..!!

അഴകിന്റെ തീരങ്ങളില്‍
അലയടിക്കും യാനങ്ങള്‍
കുട്ടനാടിന്‍ മിടുപ്പുകള്‍ തേടാം ..!!

മതസ്പര്‍ദ്ധ എന്തെന്നറിയാതെ
ആകാശത്തിലെ പറവകള്‍
ചേക്കേറാന്‍ ഒരുങ്ങുന്നു ..!!

സന്ധ്യാബരം.
മതമില്ലാ പറവകള്‍
ചേക്കേറാന്‍ ഒരുങ്ങുന്നു ..!!

ഒന്ന് മറ്റൊന്നിനോട്
അഭയം തേടുന്നു
പ്രകൃതിയുടെ അലിഖിത നിയമം ..!!


നാലുമണി വിട്ടു വരുമ്പോള്‍
വിശപ്പറിയാ മക്കളെ കാത്തിരിക്കുന്ന
ഇന്നിന്റെ ചില അമ്മ വിഭവങ്ങള്‍ ..!!

പരിപാവനമാം ആത്മാവിനു
അറിഞ്ഞു നല്‍കുന്നു നദിക്കരയില്‍
തര്‍പ്പണം സമര്‍പ്പണം  ..!!

നൊമ്പരങ്ങളെ പുണ്യങ്ങളാക്കി
ഭക്തിയുടെ ലഹരിയില്‍
ജീവതം വിശപ്പുകള്‍ ..!!

പലപ്പോഴും ഈ ബസ്സുകളുടെ
ക്ലിപ്തത കണ്ടാണ്‌ ഗ്രാമം
സമയം നിര്‍ണയിക്കുന്നത്  !!


പ്രതീക്ഷയുടെ ഉദയ സൂര്യന്‍
ഓരോ പകലുകളിലുമായി
തെളിയാറുണ്ട് ചക്രവാളത്തിനപ്പുറം ..!!

അഴല്‍ അകറ്റും
കിരണ മധുരിമ
ഉള്ളില്‍ ശാന്ത മൗനം ..!!

വസന്ത തണലില്‍
സുഖ സുന്ദര നിമിഷം..
പ്രകൃതി നീ എന്‍ പ്രണയിനി ..!!

No comments: