Friday, April 8, 2016

എന്റെ പുലമ്പലുകള്‍ 43.

എന്റെ പുലമ്പലുകള്‍ 43.

നെഞ്ചില്‍ പടരുന്ന നോവില്‍ ഞാനറിയാത്ത
എന്നെ അറിയാത്ത ലോകമേ..!!
അറിക നീ എന്‍ കരവലത്തില്‍ തീര്‍ത്തു
തന്നൊരുയീ ജീവിത വഴിയില്‍ മാറ്റൊലി കൊള്ളുന്നു
വിഷലിപ്തമാം കപടതയുടെ മര്‍മ്മരങ്ങള്‍

ഇരുള്‍മൂടിയ സന്ധ്യകളില്‍
നിലക്കാത്ത അഭിനിവേശങ്ങള്‍
വിടര്‍ന്നു മലരുന്ന  അകത്തളങ്ങളില്‍
ഇഴയും തണുപ്പിന്റെ സുഖാനുഭൂതി
കരിതിരി കത്തി മണക്കുന്ന വിമിഷ്ടം
ജീവിത നോവിന്‍ മുക്തിക്കായി നാമജപം
ഉത്തരത്തിലെ ഗൗളി ചൊല്ലി സത്യമെന്നു

വറ്റിനായി മുങ്ങിത്തപ്പിയ പിഞ്ഞാണിയില്‍
വിരല്‍ തടഞ്ഞവകൊണ്ട് വിശപ്പടക്കി
മൊത്തികുടിച്ചു കണ്ണുകള്‍ പരതി വീണ്ടും
നിലക്കാത്ത വിശപ്പിന്‍ ചോദ്യങ്ങള്‍ക്ക്
ഉത്തരം കിട്ടാത്തത സ്വപനത്തിന്‍
ഉറക്കത്തിലേക്കാഴ്ന്നു ഇനി
നാളെ എന്തുയെന്നറിയാതെ .....!!

No comments: