Sunday, April 17, 2016

കുറും കവിതകള്‍ 580

കുറും കവിതകള്‍ 580



മൊട്ടിനെ വരവെല്‍പ്പിനായി
മുകുളങ്ങള്‍ ഒരുങ്ങി നില്‍പ്പു
വെയിലേറും വേളയിലും ..!!

കുസൃതികളുടെ വേനലവധി
മറക്കാനാവാത്ത നല്ലകാലം
ഇനി തിരികെ വരില്ലല്ലോ ..!!

സ്വപ്നങ്ങള്‍ക്ക് കൂടുകുട്ടാന്‍
ചില്ലകളും ഇണയുമുണ്ടെങ്കില്‍
ചിന്തകള്‍ക്ക് മുടിവില്ല..!!

ചോറ്റുപാത്രം
ആരെയും കാട്ടാതെ
കണ്ണു നിറഞ ബാല്യകാലം ..!!

രാവില്‍ അച്ഛന്റെ വരവ് കണ്ടു
കരഞ്ഞു തളര്‍ന്നു ഉറങ്ങിയ
ബാല്യകാല ഓര്‍മ്മയിന്നും വേദനിപ്പിക്കുന്നു ..


മരുഭൂമിയിലെ സൂര്യോദയം
മനസ്സില്‍ എവിടെയോ
മോഹങ്ങളുണര്‍ന്നു..!!

എല്ലാം ഒരു മുറുകിയ
മഞ്ഞച്ചരടില്‍.
ഒടുവില്‍ സീലിംഗ് ഫാനില്‍ ..!!

മണിയടി ഒച്ചക്കായികാതോര്‍ത്ത് 
ഐസ് കൊലിനായി
കൊതിച്ചൊരു ബാല്യകാലം ..!!

മിച്ചമുള്ളതുംകൂടിയൊപ്പിയെടുക്കാന്‍
ക്യാമറ കണ്ണുമായി നിളാതീരത്തു
ഒരു പാവം ഫോട്ടോഗ്രാഫര്‍ ..!!


അലറി വിളിച്ചു  കരയെ
ചുംബിച്ചു അകലും കടലിനു
പരിഭവമില്ല എത്ര സലഫി എടുത്താലും ..!!

എത്രയൊക്കെ ശാസ്ത്രം മുന്നേറിയാലും
കല്ലേല്‍ അരച്ച് ഉണ്ടാക്കും
അമ്മയുടെ ചമ്മന്തിയോളം ഒക്കുകയില്ല ..!!

പൂരത്തിന് താളം കൊടുക്കാൻ
ഉയരും കൈകളേക്കാൾ
ഉയരുന്നു സെല്ഫിക്കായി ..!!

കുപ്പു കൈകൾക്കായി
കൈകളില്ലയിന്നു 
മൊബൈൽ ഒഴിഞ്ഞിട്ട് വേണ്ടേ ..!!  

No comments: