Saturday, April 30, 2016

കുറും കവിതകള്‍ 597

കുറും കവിതകള്‍ 597

ചൂട് കാറ്റ്.
ശലഭം മുത്തമിട്ടു
പൂവിന്‍ ചുണ്ടില്‍ ..!!

കൊമ്പത്ത് ഞാന്നു നിന്നു
മഞ്ഞക്കിളി പാട്ടു പാടി
വസന്തോത്സവം ..!!

നവമാധ്യമങ്ങളുടെ
കടന്നുകയറ്റം ശിഥിലമാക്കുന്നു
കുടുബ ഭദ്രതയെ ഏറെ ..!!

സിന്ദൂര ചെപ്പില്‍
ഒളിച്ചിരുപ്പു ഒരു സ്വാന്തന
സ്നേഹ ദാമ്പത്യം ..!!

മരകൊമ്പിലിരുന്നു
ഇണകുരുവികളുടെ
ജുഗല്‍ബന്ദി..!!

അന്നത്തെ അന്നത്തിനു
വകതേടും വലയുമായി
മുക്കുവന്‍ വയല്‍ ചിറയില്‍ ..!!

കേരവൃക്ഷങ്ങള്‍
കണ്ണാടി ആറ്റിലൊരു
നിഴല്‍ ചിത്രം ..!!

സ്വയം എരിഞ്ഞു
മറ്റുള്ളവര്‍ക്ക് ഒളിപകരും
ഉത്സവ പറമ്പില്‍ തീവട്ടി..!!

ഇല്ലിമുളം കാട്ടില്‍
വെയില്‍ ഇറക്കം.
വന്നില്ല അനിലനും ..!!

പായലില്‍ കുരുങ്ങിയും
ഓളങ്ങളില്‍ പെട്ടും
ഉലയുന്ന ജീവിതങ്ങള്‍ ..!!

No comments: