Saturday, April 2, 2016

ഒറ്റപ്പെട്ടവന്റെ ദുഃഖം

ഒറ്റപ്പെട്ടവന്റെ ദുഃഖം

ഒറ്റപ്പെടുന്നവന്റെ നൊമ്പരം
അറിയുന്നുണ്ടോ ആരും
സ്വന്തം ഭാഷ ഉരിയാടാന്‍

രുചിയുടെ ഭേദനം നടത്താന്‍
വെമ്പുന്ന നാവും മനസ്സിന്റെ
തോന്നലുകളും എത്ര വിചിത്രം

ഉള്ളുകൊണ്ട് വിലപിക്കുന്നു
കണ്ടു മറന്ന പ്രകൃതി ഭംഗികള്‍
വായിച്ച പുസ്തകങ്ങള്‍

കേട്ട പാട്ടുകള്‍ അതിന്റെ
ശ്രുതിതാളങ്ങളുടെ ലയത്തില്‍
ജീവിതത്തെ താളാത്മകമാക്കാന്‍

ഏറെ സംയമനം പാലിച്ചു
മുന്നേറുന്നു എങ്കിലും
ഭാഷാബോധം വേട്ടയാടുന്നു

ഇതൊക്കെ അറിയുന്നുവോ
നാടും കൂടുമായി കഴിയുന്നവര്‍
ഒരുപക്ഷെ മറ്റുള്ള ജീവിത

പ്രാരാബ്ദങ്ങളുടെ നടുവില്‍
അറിയാതെ പോകുന്നതാവാം
അല്ല ഇതൊക്കെ എന്തിനു

ഈവിധം കുറിക്കുന്നു
മറ്റുള്ളവരെ ബുദ്ധി മുട്ടിക്കാനോ
അതോ എന്റെ ബുദ്ധിയില്ലായിമയോ ..!!

No comments: