ഒന്നിങ്ങു വന്നെങ്കില്
മൈനാകമേ നീ മാറിപോവരുതേ
മഴവന്നു കൊഞ്ചി ചിണുങ്ങിയല്ലോ
കാറ്റ് വന്നു കിന്നാരം പറഞ്ഞുവല്ലോ
കാർമേഘ കീറിൽ മറഞ്ഞു നിന്ന
വെയിൽ വന്നു എത്തി നോക്കിയനേരത്ത്
കൊന്നമരത്തിലെ വിഷുപ്പക്ഷി പാട്ടുമൂളിയല്ലോ
കരകവിയും കടലിനെ നോക്കി നിന്ന് നീയത്
കരലളിയിക്കും വിരഹ കാവ്യമായി ഏറ്റു പാടിയില്ലേ ..!!
എത്രയോ മേടവും ചിങ്ങവും കടന്നകന്നുവല്ലോ
എന്നിട്ടുമെന്തേ നീ വന്നില്ല എന്നരികിലായ്
ഓർമ്മകളുടെ വഞ്ചി തുഴഞ്ഞു തളർന്നുവല്ലോ
ഒന്നിങ്ങുവന്നെൻ മനസ്സിന്നു കുളിരേകില്ലേ ....!!
ജീ ആർ കവിയൂർ
16 .03 . 2017
Comments