Tuesday, March 7, 2017

തേടി കവിത അവള്‍ക്കായ്

തേടി കവിത അവള്‍ക്കായ്

അണ്ണാ മാടന്‍ നട ദേവിയാണേ
തങ്കശ്ശേരി ലൈറ്റ് ഹൌസിന്റെ
ഒറ്റക്കണ്ണന്‍ നോട്ടത്തെക്കാള്‍
മുടിയഴിച്ചിയൊഴുകും കായലിന്റെ
തീരംകടന്നു അറബിക്കടലിന്റെ
മുഖം നോക്കാതെയിരിക്കും
കാനായിയുടെ യക്ഷിയുടെ
മുലക്കണ്ണിലുടക്കിയ നോട്ടത്തിലറിയാതെ
അവളുടെ നുണക്കുഴി വിരിയുന്നത് കണ്ടു
ആവി പറക്കുന്ന മസാല കോണറിലെ
മസാല ദോശയുടെ രുചിയില്‍ എല്ലാം
മറന്നു ഒഴുകിയെത്തിയ കാറ്റും കൊണ്ട്
നടന്നപ്പോള്‍ എല്ലാം മറന്നു നിന്നു
ഇല്ലവും അച്ചിയും കൊച്ചിയും മൂളി പറന്നു
കൊതിയെടുത്ത് പറക്കും കൊതുകവളുടെ
മൂളിയ ഗസലിന്റെ നോവുകള്‍ തിണിര്‍ത്ത
കൈയുടെ ചുവപ്പ്  വകവെക്കാതെ മനസ്സേങ്ങോ
പിടി തരാതെ പാഞ്ഞു പോയി കൊണ്ടിരുന്നു
ഇനിയും ഉറങ്ങാതെ കണ്ണുകള്‍ പരുതുന്നു
ഒരു ഉറങ്ങാത്ത കവിതയുടെ വരികള്‍ക്കായ്

No comments: