നിൻനാമം നിത്യം ചൊല്ലുന്നേൻ

അകലെയെന്ന് പറഞ്ഞു കേട്ട് 

അഴലേറും മനസ്സുമായി വന്നപ്പോൾ 

അവിടുത്തെ തിരുമുന്നിൽ തൊഴുതു നിൽക്കേ

അകതാരിൽ വല്ലാത്തൊരു ആനന്ദാനൂഭൂതി  

അരവിന്ദലോജനാ ഗുരുവായൂരപ്പാ ഭഗവാനേ  

"സാന്ദ്രാനന്ദാവബോധാത്മകമനുപമിത"മെന്നു

എഴുതി ചൊല്ലാൻ ഞാനൊരു മേൽപത്തൂരും

ഒന്നായ നിന്നെയിഹ രണ്ടെന്നുകണ്ടളവി-

ലുണ്ടായൊരിണ്ടൽ ബത മിണ്ടാവതല്ലയെന്ന്

രചിച്ചു പാടാൻ ഞാനൊരു പൂന്താനവുമല്ല

അറിവോട്ടുമില്ലെനിക്കേതുമേയില്ല 

കണ്ണാൽ കർണ്ണത്തിൽ കാണുവാനാവില്ലല്ലോ

കണ്ണാ നിൻ മായാ ലീലകളെത്ര വിചിത്രം

അകക്കണ്ണാൽ നിൻ  രൂപം  തോന്നിക്കുക

കരുണാവാരിധേ നിൻനാമം നിത്യം ചൊല്ലുന്നേൻ 

ജി ആർ കവിയൂർ 

27 06 2024