പ്രണവാകാരം മാറ്റൊലി കൊണ്ടു

പ്രണവാകാരം മാറ്റൊലി കൊണ്ടു 

ശ്രുതിലയ- സാഗരമുണർന്നു 

പവിഴാധരങ്ങളിൽ മൗനമുടഞ്ഞു. 

രാഗലയതാളം തരംഗംതീർത്തു 

ഹൃദയധമനികളിൽ അനന്താനന്ദം!

ഏകമെന്നും ദ്വയമെന്നും തർക്കങ്ങളായി,

അകാരയുകാരമകാരധ്വനി മുഴങ്ങി.

കണ്ണടച്ചു, കൈകൂപ്പി കാൽപെരുവിരൽമുതലുച്ചിയി-

ലുച്ചസ്ഥായിയിൽ പ്രകമ്പനം! 

ഏഴു സ്വരങ്ങൾ ചേർന്നെങ്ങുംമറ്റൊലികൊണ്ട്

പ്രണവാകാരംസംഗീതം

അത്ഭുതസ്തബ്ദരാക്കി

ജീ ആർ കവിയൂർ

13 06 2024