ഇല്ല ഞാൻ എങ്ങോട്ടും

ഇല്ല ഞാൻ എങ്ങോട്ടും 

വേണ്ട മക്കളെ ഞാനില്ല 

ഈ അച്ഛനുറങ്ങും മണ്ണും 

പിന്നെ അന്തിത്തിരിയും 

നിറസാന്നിധ്യമാം മണവും 

വിട്ടില്ല ഒരിടത്തേക്കും

യാത്ര ചെയ്യുവാൻ ഒട്ടും 

വയ്യാതായിരിക്കുന്നേറെ 

സഞ്ചരിച്ചതല്ലേ പണ്ട് 

വിദ്യാലയവും വീടും വിട്ട് 

എങ്ങോട്ടും വേറെ 

പോകുകയുമില്ലായിരുന്നു 

മുക്കൂട്ടിന്റെ മണവും

കഷായ കൂട്ടും 

തേച്ചു കുളിയും 

ഈ നാടും ദേശ ദേവനെയും വിട്ട് 

എങ്ങോട്ടുമില്ല ഞാൻ 

അമ്മയ്ക്ക് ശീതീകരിച്ച മുറിയോ 

വാഹനമോ ഒന്നുമേ പഥ്യമല്ല  

ഇവിടെ ഈ തറയോട് പാകിയ തറയും 

ഓടുമേഞ്ഞ പുരയും പിന്നെ 

കഞ്ഞിയും പയറും 

രാമനാമ ജപവും 

അല്ലാതെ വേറൊന്നുമേ വേണ്ട 

വേണ്ട മക്കളെ ഇല്ല 

ഞാനീ അച്ഛനുറങ്ങും 

മണ്ണുവിട്ട് എങ്ങോട്ടേക്കും 

ജീ ആർ കവിയൂർ 

19 02 2023