ഗതകാലത്തിലുടെ

ഗതകാലത്തിലുടെ

ദുരിതങ്ങൾ താണ്ടി 

ജീവിത യാത്രകളിൽ 

നിഴൽ പടരും തെക്കിൻ

കാടുകളും കടന്ന് 

പച്ച നെൽ വിളയും 

പാടവരമ്പത്തിലൂടെ 

നീ വരും കാത്ത് 

ഏറുമാടത്തിൽ 

കാത്തിരുന്നു , ഇന്നുമെൻ 

ഓർമ്മകളുടെ പിന്നോക്ക 

നടത്തത്തിൽ കൗമാരക്കാരനായി 

കൊയ്ത്ത് ഒഴിഞ്ഞ പാടത്തിൽ 

കാൽപന്ത് തട്ടി കളിച്ച നേരം 

നിന്നൊളി കണ്ണേറുകളുടെ 

പുഷ്പ ശരമേറ്റ് 

ഉള്ളൊന്നു കാളിയതും 

സന്ധ്യകൾ നിനക്കായി 

കാത്തു നിന്നു ചെമ്മാനച്ചോടും 

വിജനമാം ഇടത്ത് ചീവീടുകളുടെ

സംഗീതവും , എന്നിലുണർന്ന 

കവിതകളും എല്ലാം

 നിന്നെക്കുറിച്ചായിരുന്നു 

പിറകോട്ട് മറക്കാത്ത എടുകൾ പിന്നിട്ട് 

നാലുമണി വിട്ടു നാം പാടവരമ്പത്തിലൂടെ 

കഥ പറഞ്ഞു നടന്ന ബാല്യകാലത്തിലേക്ക് 

വീണ്ടും പോകാനാവാതെ , 

ഈ പൂമരച്ചോട്ടിലിരുന്നു 

ഗതകാല യാത്ര നടത്തി മടങ്ങി 

ജീ ആർ കവിയൂർ 

12 11 2022