നവരാത്രിയിലമ്മ വന്നേൻ
നവരാത്രിയിലമ്മ വന്നേൻ
നവരാത്രി മണ്ഡപമൊരുക്കി
നിറമിഴികളോടെ അഞ്ജലി ബദ്ധനായി
നിന്നു നിൻ നടയിൽ മന: ശുദ്ധിയോടെ
പാർവ്വതി ലക്ഷ്മി സരസ്വതിമാരായി
നവ ദുർഗ്ഗകളെ വന്നു അനുഗ്രഹിയ്ക്കുക !
ശൈല പുത്രിയായി കാള മുകളിലേറി
കൈകളിലൊന്നിൽ തൃശൂലമേന്തിയും
മറുകയ്യിൽ താമരപ്പൂവുമായി വന്നമ്മ
മനസ്സിനു കുളിർമയേകുന്നു വമ്മേ !
നവരാത്രിയിലെ രണ്ടാം ദിനത്തിൽ
ബ്രഹ്മചാരിണി ഭാവത്തിലായ് വന്നു !
ഇടതുകൈയിൽ കമണ്ഡലുവും
വലതു കൈയ്യിൽ അക്ഷമാലയുമായി
അനുഗ്രഹം നൽകിയല്ലോ അമ്മേ !
നെറ്റിയിൽ ചന്ദ്രക്കലയുമായ്
സിംഹാസനാരൂഢയായ്
ദശഹസ്തങ്ങളിൽ പത്മം, ധനുസ്സ്,
ബാണം, കമണ്ഡലു, ഖഡ്ഗം, ഗദാ, ശൂലവുമേന്തിയമ്മ
മൂന്നാംനാൾ ചന്ദ്രഘണ്ഡാ ഭാവത്തിലനുഗ്രഹിപ്പു !
സൂര്യലോകനിവാസിനി കൂഷ്മാണ്ഡാദേവി
നാലാം നാളിൽ അഷ്ടഭുജയായ്
ഏഴ് കൈകളിൽ യഥാക്രമം കമണ്ഡലു,
വില്ല്, അസ്ത്രം, കമലം, അമൃതകുംഭം, ചക്രം,
ഗദ ഇവ ധരിച്ചിട്ട് അഷ്ടസിദ്ധികളും
നവനിധികളും പ്രദാനം ചെയ്യാൻ കഴിവുള്ള
ദിവ്യമാല
എട്ടാം കരത്തിൽ കരുതിയനുഗ്രഹിയ്ക്കുന്നമ്മ !
നവരാത്രി നാളിലെ അഞ്ചാം നാളായ പഞ്ചമി ദിനേ
സ്കന്ദമാതാവായികുമാരൻ കാർത്തികേയന്റെ
മാതൃ ഭാവത്തിൽ നാലുകൈകളുമായ്
വലതുകൈകളിലൊന്നിൽ ആറുമുഖനും
മറ്റേതിൽ താമരപ്പൂവുമായ്
ഇടതുകൈകളില്‍ വരമുദ്രയും
താമരപ്പൂവുമുണ്ടല്ലോ വമ്മേ !
വരപ്രദായിനിയായി അനുഗ്രഹിപ്പു !
കതൻ എന്ന മഹാ ഋഷിയുടെ പുത്രനായിയ കാത്യൻ.
കാത്യനു തപ:സിദ്ധിയാൽ ലഭിച്ചൊരു പുത്രിയായ്
കാത്യായിനിയായി ആറാം നാളിൽ സിംഹത്തിലേറി
നാലുകൈകളിൽ ദേവി ഖഡ്ഗവും പദ്മവുമേന്തി
അനുഗ്രഹിയ്ക്കുന്നുവല്ലോ നമ്മേയമ്മ !
സപ്തമിദിനേ രക്തബീജനേ സംഹരിച്ചമ്മ
കറുപ്പ് നിറത്തോടെ രൗദ്ര രൂപിണിയായ്
നാലുകൈകളോടുകൂടി കഴുതപ്പുറത്തേറി
കാലരാത്രി ഭാവേ വന്നു അനുഗ്രഹം
നൽകിവരുന്നു ഭക്തർക്കമ്മ !
അഷ്ടമിക്ക് ദുർഗ്ഗയായ് തൂവെള്ള
നിറത്തോടു കൂടിയവളായ്
മഹാ ഗൗരിയായ് നാല് കൈകളുമായി
കാളയാം വാഹനത്തിലേറി കമലവും
ഇരു കരങ്ങളിലുമായ് ശൂലവും ഢമരുവുമായ്
വന്നു അനുഗ്രഹിച്ചിടുന്നു അമ്മയേവരേയും !
നവമി ദിനത്തിൽ സിദ്ധിധാത്രിയായ്
തൻ ഭക്തർക്കു സേവ സിദ്ധികളും നൽകി
താമരപ്പൂവിൽ ഉപവിഷ്ടയായ്
നാലു കരങ്ങളിൽ ചക്രം, ഗദ, താമരയും
കരുതിയമ്മ വന്നു അനുഗ്രമേകുന്നവമ്മ
അമ്മേ ശരണം ദേവി ശരണം
അവിടുന്നല്ലാതാശ്രയമില്ലയമ്മേ !
അമ്മേ ശരണം ദേവി ശരണം
ജഗത് ജനനിയമ്മേ ശരണം !ശരണം !
ജീ ആർ കവിയൂർ
07 .10 .2021
Comments