Thursday, March 24, 2016

അറിയാതെ

അറിയാതെ

മോഹങ്ങളുടെ
മറുകര തേടി
ചക്രവാളത്തിനും അപ്പുറം

പ്രണയ പയോധിയില്‍
മുങ്ങി നിവര്‍ന്നു
കാലം കഴിക്കവേ

പുണ്യ പാപങ്ങളുടെ
ചുമടുതാങ്ങി തളര്‍ന്നു
അത്താണിയാം സ്വയം തീര്‍ത്ത

നിഴലില്‍ വിശ്രമിക്കുന്നു
പഞ്ചഭൂതങ്ങള്‍ നല്‍കും
ദയയുടെ കുപ്പായങ്ങള്‍

അഹങ്കാരത്തിന്‍ മുഖം മൂടികള്‍
അണിഞ്ഞു ഞാന്‍ എന്ന ഭാവവുമായി
ദന്ത ഗോപുരങ്ങളെറുന്നു..!!

എന്നിലെ എന്നെ അറിയാതെ
ഉള്ളിന്റെ ഉള്ളിനെ അറിയാതെ
അവസാനം ഒടുങ്ങുന്നു ഒന്നുമറിയാതെ ..!!

No comments: