മൂകാംബികാ ദേവി വരമരുളൂ...!

മുപ്പത്തി മുക്കോടി ദേവകൾ വാഴ്ത്തുന്ന

മുപ്പാരിനെന്നുമഭയമ്മേ !

മൂകാസുരനെഹനിച്ചവളേയമ്മേ !

സൗപർണികാതീരദേശ നിവാസിനി !

സുന്ദരി ! സുഭഗയാം സുഖദായിനി !

ശ്രീശൈല വാസിനി! ശ്രീലക്ഷ്മിയന്നു നീ

ശ്രീശങ്കരൻ താനു ദർശനം നൽകിയോൾ !

വാഗ്ദേവതേയമ്മ വാണരുളേണമേ !

നീയെൻവിരൽത്തുമ്പിലെന്നുമെന്നും !

വരികളായ്

വരമരുളുന്നോരു പുണ്യമേ !

അമ്മേ മഹേശ്വരി കാത്തിടേണേ !

വാരിധിയൊളവും ദുഃഖങ്ങളുള്ളോരു

പൈതലാമെന്നെ നീ രക്ഷിയ്ക്കണേ !

മൂകാംബികയാകുമെന്റേ ഭഗവതി !

എന്നുടെ നാവതിൽ വന്നിടേണേ !

നൽവരം നീയിന്നു തന്നീടണേ !

ജീ ആർ കവിയൂർ

26 04 2022

ആത്മാവിഷ്കാരങ്ങള്‍