Monday, August 21, 2017

കുറും കവിതകൾ 716


കുറും കവിതകൾ 716

മേഘങ്ങളേ വരവേല്‍ക്കാന്‍
പീലിവിടര്‍ത്തി നില്‍പ്പു
തെക്കെന്‍ കാറ്റില്‍ അടക്കാമരങ്ങള്‍ ..!!

പുലരൊളിയില്‍
ഉണര്‍ന്ന ഗ്രാമഭംഗി
ഇളംകാറ്റു തലോടി  ..

ജീവിത മത്സരങ്ങള്‍ക്കായ്
തുഴഞ്ഞു നീങ്ങുമ്പോള്‍
കാണാതെ പോകുന്ന പ്രകൃതി ഭംഗി ..!!

ഓര്‍മ്മയില്‍  തങ്ങിയ
നനഞ്ഞ കാല്‍പാദം.
ഇടിയും മഴയും പുരപുറത്തു.!!

പ്രഭാതരശ്മിയുടെ
അനവദ്യ സൗന്ദര്യം.
കുളിര്‍ കോരുന്ന കാറ്റും ..!!

നിലാവിന്റെയും
മഴയുടെയും നനവേറ്റു
ഓലപ്പീലികൾ കാറ്റിലാടി  ..!!

മുസലിയാർ ഓതികെട്ടി
സ്വപ്നാടനം നിന്നു  
മഴ തകർത്ത് പെയ്തു ..!!

മഴ പെയ്യ്തു തോർന്നു
കൽവിളക്കുകൾ
എണ്ണകാത്തു നിന്നു  ..!!

ശ്രാവണ സന്ധ്യയുടെ
നിഴൽ ഏറ്റു വാങ്ങി
പുഴയിലൂടെ വഞ്ചി നീങ്ങി ..!!

നീലാകാശം നോക്കി
ഇലയറ്റ ചില്ലകൾ
മഴക്കായി ഉള്ളുരുകി കേണു ..!!

മഴമേഘങ്ങൾ ചുംബിച്ചകന്നു
മലയാകെ നനഞ്ഞു
പ്രണയത്തെ കണ്ടു കവി ..!!

No comments: