Thursday, August 24, 2017

കുറും കവിതകൾ 717

 കുറും കവിതകൾ 717

ഓർമ്മകൾ മായിക്കപ്പെടുന്നു
മണൽ കാറ്റിൽ ...
സൂര്യ കിരണങ്ങൾ തിളങ്ങി ..!!

അരണ്ട വെളിച്ചത്തിൽ
ജാലകച്ചില്ലിൽ മുട്ടിവിളിച്ചു
മഴയവളുടെ പരിഭവം ..!!

മഴയുടെ അകമ്പടിയിൽ
തുഴഞ്ഞടുക്കുന്നു വഞ്ചി
അക്കരയിൽ കാത്തുനില്പിൻ നെഞ്ചിടിപ്പ് ..!!

ആദിരാത്രിയിൽ
ആരുടെയോ മെത്തയിൽ
ഞ്ഞെരിഞ്ഞമരണ്ടേ മുല്ല ..!!

കായൽപ്പരപ്പിലെ
ഓളങ്ങൾക്കൊപ്പം അലതല്ലും.
വിജയത്തിന്‌ സന്തോഷം ..!!

അന്തിയോളം പ്രയത്നിച്ചിട്ടും
സൂര്യനോളം എത്താനാവാതെ
കടലിന് മുകളിൽ ഒരു പക്ഷി ..!!

നാലുമണി വിട്ട വിശപ്പ്
കടവത്തെ തോണി കാത്ത്
കുടപിടിച്ചു നിന്നു...!!

കുളക്കടവുകാട്ടി
കുട്ടിയുടെ കരച്ചിൽമാറ്റും
അച്ഛന്റെ സ്നേഹം ..!!

ജാലകത്തിലൂടെ
എത്തിനോക്കുമൊരു
പൂക്കാലമെനിക്കായ് ..!!

മേഘങ്ങൾ ആകാശത്തു
പ്രണയ കവിത രചിച്ചു
കാറ്റത് മായിച്ചു ....!!

No comments: