മുഖമില്ലാഴ്മ


മുഖമില്ലാഴ്മ

Image may contain: tree, night, outdoor, nature and water

ഇരുട്ടിന്റെ ഇടനാഴികയിലുടെ നടന്നു
അലഞ്ഞു നക്ഷത്രകുട്ടങ്ങള്‍ക്കിടയിലുടെ
തിരമാലകളിലുടെ യാത്ര നടത്തി
ജീവിതത്തെ നയിച്ചു ഇരുളിന്റെ  സൗന്ദര്യത്തിലുടെ

ഒഴിഞ്ഞു മാറി നടന്നു സ്വാര്‍ത്ഥതയിലുടെ
പ്രകൃതിയുടെ സത്യമായ പാതയിലുടെ
ജീവിതത്തിന്റെ നാടകത്തില്‍
ഓരോ മുഹുര്‍ത്തങ്ങളിലും ഉണര്‍വോടെ

എന്തിനു വാക്കുകള്‍ അര്‍ത്ഥമില്ലാതെ ഉപയോഗിക്കുന്നു
നമ്മള്‍ക്കറിയാം നാം എന്നാല്‍ എന്താണെന്ന്
അതൊരു ജീവിത തനിമയായ് മാറുന്നു
ചിന്തിക്കുന്നതോന്നു പറയുന്നത് മറ്റൊന്ന്

എങ്ങുമേ എത്തിചേരാതെ ആവുന്നു
നമ്മള്‍ നടക്കുന്നയീ സത്യമില്ലാത്ത പാതയില്‍
നമുക്കറിയാം ഉള്ളിന്റെ ഉള്ളിനെ
ഈ കപടതയാര്‍ന്ന സ്വാര്‍ത്ഥതയുമായ്‌
.
നോക്കുക ഉള്ളിലെ ആത്മാവിന്റെ ദര്‍പ്പണത്തില്‍
സത്യത്തിന്‍ വിത്തുകളെ ഉള്ളില്‍ സൂക്ഷിക്കുന്ന
ഒന്നുമേ മാറ്റാനാവില്ല ജീവിത ശൈലിയെ
അന്ധമായ ജീവിത മരീചികയില്‍

കണ്ണുതുറക്കുക ഉള്ളിന്റെ ഉള്ളിലേക്ക് നോക്കുക
എന്താണ് ചിന്തിക്കുന്നത്
എന്താണ് പറയുകയും പ്രവര്‍ത്തിക്കുകയും
എല്ലാം ഒരുപോലെ സത്യമാവട്ടെ
വരിക തുടച്ചു നീക്കാമീ മുഖമില്ലാത്ത ജീവിതത്തെ 

Comments

Popular posts from this blog

കുട്ടി കവിതകൾ

കുറും കവിതകൾ ഒരു ചെറു പഠനം - ജീ ആർ കവിയൂർ

“ സുപ്രഭാതം “