Friday, July 28, 2017

കുറും കവിതകൾ 694


കുറും കവിതകൾ 694


ഏമാനും ഏമാന്റെ ലാത്തിയും
കണ്ണുരുട്ടും കണ്ടാൽ
ഭയമില്ലാത്ത ജനമയിത്രി ..!!

അരങ്ങു നിറഞ്ഞാടി
രൗദ്രഭീമന്‍ ചോരയില്‍ കുളിച്ചു
നിറഞ്ഞമനസ്സുമായ് ദ്രൗപതി..!!

രാക്കുളിര്‍ കാറ്റ്
മാവിന്‍ കൊമ്പിന്‍ ഇടയില്‍
ഒരു അമ്പിളി വെട്ടം ..!!

അന്തിത്തിരി വെട്ടം തെളിഞ്ഞു
സന്ധ്യാനാമമായ് മുഴങ്ങി
കണ്ണുനീര്‍ മഴയും കറുത്തമുത്തും ..!!

ആൽച്ചുവട്ടിലെ
ദൈവത്താരു കണ്ണടച്ചു   .
കൽവിളക്കുകൾ സാക്ഷി ..!!

മഴകുളിരണിഞ്ഞു
മൂകമായ് നിന്നു.
ഭക്തിയുടെ ശാന്തത ..!!

പുരപുറത്തിരുന്നു പ്രാവ്
ശാന്തിക്കായ് കുറുകി  ..
മനം ചിന്തകളില്‍ മുഴുകി  ..!!

ഓണവെയിൽ വന്നല്ലോ
വരൂ നമുക്ക് പോയി
തുമ്പിയെ പിടിക്കാം എന്തെ ..!!


മഴയോടൊപ്പം
വന്നല്ലോ നീലപ്പൂവുകൾ
കുഞ്ഞു തുമ്പികൾ പാറിപ്പറന്നു ..!!

മാടായി ഭഗവാൻ
തരണം  ശരണം
മഴയിങ്ങു  വന്നെങ്കിൽ ..!!

No comments: