കുറും കവിതകള്‍ - 680

കുറും കവിതകള്‍ - 680

വളയിട്ടകൈകളിൽ
പൂവും പ്രവസാദവും
അകലെ ശംഖൊലിയും ..!!

മഴമേഘകുളിരില്‍
കാത്തിരിപ്പിന്റെ
നിഴലനക്കങ്ങള്‍ക്ക് മധുരനോവ് .

വിയര്‍പ്പിന്റെ സുഗന്ധം
വിശപ്പിന്റെ മറുപുറങ്ങള്‍ക്ക്
വെളിച്ചത്തിന്‍ കാത്തിരുപ്പ് ..!!

കാതുകളില്‍ ഇന്നലെകളുടെ
ലോലാക്കിന്‍ തിളക്കം .
ഓര്‍മ്മകള്‍ക്ക് യൗവനം..!!

വെളുപ്പിന്റെ ഉണര്‍ത്തല്‍
ആരൊക്കയോ വരുമെന്ന് .
അടുക്കളയില്‍ ഒരുക്കങ്ങള്‍ ..!!

ചോദ്യങ്ങള്‍ക്ക് ഉപ്പുരസം
കാറ്റിനു കുളിര്‍മ .
കാത്തിരിപ്പിന്റെ ദിനങ്ങള്‍ ..!!

കിളികളും വസന്തവും
ശിശിരങ്ങളും വന്നുപോയി
ശിഖരത്തിന്‍ കാത്തിരുപ്പ്  ..!!

തീന്മേശയില്‍ എത്തുമ്പോള്‍
തീയും പുകയും വളകളുടെയും
വലകളുടെയും നോവറിയില്ല..!!

കടല്‍തിരമാലകളുടെ
തലോടല്‍ കാത്തു കിടന്നു
തീരത്തിന്‍ മധുര നോവ്‌ ...!!

നാവിന്റെ രുചി
രാവിന്റെ ഓരത്തു
കാത്തു നിന്നു തട്ടുകട ..!!

Comments

Popular posts from this blog

കുട്ടി കവിതകൾ

കുറും കവിതകൾ ഒരു ചെറു പഠനം - ജീ ആർ കവിയൂർ

“ സുപ്രഭാതം “