Monday, July 31, 2017

കുറും കവിതകൾ 697

കുറും കവിതകൾ 697

തൊട്ടാവാടി പൂവില്‍
ഒരു ആനവാലന്‍തുമ്പി
എത്തിപിടിക്കാന്‍  ഉണ്ണിക്കുട്ടന്‍ ..!!

ഇടവും വലവും നോക്കാതെ
വഴിമുറിച്ചു കടക്കുന്നുണ്ട്
ആരും കാണാതെ  തേരട്ട ..!!

കണ്ണാടിയാറ്റില്‍
മുഖം നോക്കുന്നുണ്ട്
നീലാംബരീയും മരകൂട്ടവും ..!!

ചെമ്മാന കായല്‍ തീരത്ത്‌
കൂനാച്ചിപ്പുരയില്‍ നിന്നും
ഒരു വിരഹ മുരളി നാദം ..!!

വാകപൂക്കളും പൂവരശിലകളും
കിഴക്കിന്റ്റെ വെനിസ്സിലേക്ക്
സ്വാഗതം ചെയ്യ്തു ..!!

കണ്ടു നിര്‍വൃതി കൊണ്ട്
ഓര്‍മ്മകള്‍ പിറകോട്ടു നടന്നു
മധുരിക്കുന്നുവല്ലോ ..!!

അനന്തതയിലേക്ക് കിടക്കും
കാഴചകള്‍ നിന്റെ ഓര്‍മ്മകള്‍
ആഴത്തിലേക്ക് കൊണ്ട് പോകുന്നു ..!!

തുരുമ്പെടുത്ത ഓര്‍മ്മകള്‍
കടന്നു പോയ യാത്രകളൊക്കെ
തിരികെവരുകയില്ലല്ലോ ..!!

ഓര്‍മ്മകള്‍ക്ക് കോട്ട
കേട്ടാനാവാതെ നിന്നു.
ബേക്കല്‍ പാതയിലുടെ

എത്ര മുറുക്കിയിട്ടും
ഓര്‍മ്മകള്‍ക്കു അയവില്ല ..
കെട്ടിടം  ഉയര്‍ന്നുകൊണ്ടിരുന്നു..!!


No comments: