Thursday, June 1, 2017

ശംഭോ മഹാദേവാ

ശംഭോ മഹാദേവാ  



ഉദ്യോഗാർത്ഥം വന്നു ഭവിച്ചു
കോഴിക്കോട് ഇന്നലെ ഞാൻ
പുലർകാലത്തു കുളിച്ചൊരുങ്ങി
വെറുതെ ഇറങ്ങി തെരുവിലേക്ക്
ചായ കുടിക്കാം എന്നായിരുന്നു ലക്ഷ്യം
വഴി മുറിച്ചു നടന്നു ചായക്കടയിലേക്ക്
പെട്ടന്ന് കണ്ണിൽ പെട്ടൊരു ഫലകം
അത് കാണിച്ചിരുന്ന വഴിയേ നടന്നു
വലിയ കുളവും കടന്നു വലിയമതിൽ കെട്ട്
നമശിവായ മന്ത്രവും ജപിച്ചു വാതിൽ കടന്നു
അതാ ഉള്ളിൽ നിന്നും സാമൂതിരിയുടെ
അന്ത്യശാസനം പോലെ ഒരു ആക്രോശം
പാടില്ല പാടില്ല ഇവിടെ പാന്റ്റിട്ട് പ്രവേശനമില്ല
ഇളഭ്യനായി വെളിയിൽ ഇറങ്ങിയപ്പോൾ
ഒരാൾ വന്നു പറഞ്ഞു അവിടെ മുണ്ടു കിട്ടും
പിന്നെ വന്നതല്ലേ ഒന്ന് കടം കൊണ്ട്
കാവിയണിഞ്ഞു അർത്ഥ സംന്യാസിയായി
അപ്പോൾ ചിന്തനം അൽപ്പം ഉച്ചത്തിലായ്
ദിഗംബരനെ  കാണാൻ എന്തിനു വസ്ത്രം
എല്ലാം നാം ഉണ്ടാക്കിയ നിയമങ്ങൾ
ഉടുപ്പും   പാൻസും  ഊരി കാവിയുടുത്ത  
ഉടലുമായി സാക്ഷാൽ തളിയിൽ വാഴും
സർവേശ്വരനായ ശിവനെ തൊഴുവാൻ
സർവ്വവും ശിവനിൽ അർപ്പിച്ചു എല്ലാം
മറന്നു സ്വയം മനസ്സു അവിടെ നൽകി
ഇറങ്ങുമ്പോൾ  തൊടാനുള്ള പ്രസാദം
ഉണ്ടോ എന്ന് നോക്കി ഇല്ല
വെളിയിൽ ഇറങ്ങി നിന്നപ്പോൾ
അതാ ഒരു പൂനുൽ ധാരിയും കുഞ്ഞു മകളും
അവരുടെ കൈയ്യിൽ നിന്നും ചന്ദനവും
പുഷ്പവും ചോദിച്ചുവാങ്ങി തൊട്ടു  
രണ്ടു  ഫോട്ടോ  പരസഹായത്താൽ  എടുത്തു
വാടകക്ക്  കിട്ടി മുണ്ടിനാൽ  
ദർശന ഭാഗ്യം സഫലമായല്ലോ ''ശംഭോ മഹാദേവ ''
അപ്പോൾ മനസ്സു മുരണ്ടു '' ലോകാ സമസ്താ
 സുഖിനോ ഭവന്തു ഓം ശാന്തി ശാന്തി ശാന്തി ''
 

No comments: