Saturday, September 3, 2016

ഓണം വരവായി

ഓണം വരവായി

പൂകൈത മറവില്‍നിന്നെത്തി
പൂമണവുമായി എന്നരികില്‍
പൊന്നിന്‍ ചിങ്ങ കാറ്റുവന്നല്ലോ
പാടമാകെ പച്ചയുടുത്തുല്ലോ

മുറ്റത്തു തുമ്പി തുള്ളി കളിയാടി
മുക്കുറ്റി തെച്ചി ചെമ്പരത്തി
മുഖമാകെ തുമ്പപ്പൂചിരിതൂകി
മഴമേഘങ്ങള്‍ വഴിമാറി

തിരുവോണ വെയില്‍ വന്നല്ലോ
തീരാത്ത  ദുഃഖമകന്നല്ലോ
തപ്പുകൊട്ടി തുകിലുകൊട്ടി പാട്ടുപാടിയല്ലോ 
തെളിഞ്ഞല്ലോ മനമാകെ തിരയിളകി.....

പൊന്നരി ചെമ്പാവിന്‍ ചോറിനൊപ്പം
പര്‍പ്പടക പുളിശ്ശേരി എരിശ്ശേരിയും
പായസവും കൊതിയുണര്‍ത്തിയല്ലോ
പലനാടും കടന്നതാ പ്രവാസിയുവന്നല്ലോ

പാട്ടിനൊപ്പം ആട്ടമാടാൻ
നാടും  നഗരവുമുണർന്നല്ലോ
നാട്ടിലോണത്തപ്പന്റെ തേരുവന്നല്ലോ
പൊന്നിൻ തേരുവന്നല്ലൊ


ജീ ആര്‍ കവിയൂര്‍
03-09-2016

1 comment:

Cv Thankappan said...

ഓണപ്പാട്ട് ഹൃദ്യമായി
ആശംസകള്‍ സാര്‍