Tuesday, September 20, 2016

ഓണംകഴിഞ്ഞിട്ടുമോണം

 


ഓണംകഴിഞ്ഞിട്ടുമോണം

ഓണം കഴിഞ്ഞു ഓണമിന്നു
ഒഴിഞ്ഞു പോകാതെ നില്‍ക്കുന്നു
കല്‍ക്കണ്ട നഗരിയിലെ
ഒത്തോരുമയുടെ കമനീയത
മറുനാട്ടിലിന്നും ഓര്‍മ്മകളുടെ
മനോരാജ്യങ്ങള്‍ക്ക് വിലയുണ്ട്‌
അകറ്റി നിര്‍ത്തുന്നു അങ്ങ് മലനാട്ടില്‍
ആഴങ്ങളില്‍ വീറോടെ ചിന്തകളില്‍
പൂക്കളം നോക്കിനിന്നു പോയ്‌ പോയ
നാളുകളുടെ മധുരം മാത്രം നിറഞ്ഞു
മനസ്സു അപ്പോഴും മുറ്റത്തും തോടികളിലും
ഒരു കുട്ടിയെ പോലെ ഓടി നടന്നു
കാതുകളില്‍ മുഴങ്ങുന്നുണ്ടായിരുന്നു
പൂവേ പൊലി പൂവേ പൊലി പൂവേ ....

19-09-2016

ജീ ആര്‍ കവിയൂര്‍
കൊല്‍ക്കത്തയിലെ ഇന്നലെത്തെ ബീഹാലായിലെ മലയാളി സമാജത്തിന്റെ ഓണാഘോഷ നടന്ന സരദ് സദന്‍ ഹാളിന്റെ മുന്നില്‍

No comments: