ഹരിയുടെ നാമം എത്ര സുന്ദരം

ഹരിയുടെ നാമം എത്ര സുന്ദരം

(ഹരിനാമകീർത്തനത്തിന് ഒരു കാവ്യാഞ്ജലി)

അക്ഷരശോഭയാൽ തുളുമ്പും കാവ്യമേ,

ഭക്തിസാന്ദ്രമാം ഹരിനാമകീർത്തനമേ!

ജ്ഞാനത്തിന്റെ പൊരുളുമായ് വിളങ്ങുന്ന നീയേ,

എന്റെ ഹൃദയത്തിൽ പ്രകാശം ചൊരിയൂ.

അഞ്ചും എട്ടും ചേർന്ന ലയഗണവിന്യാസം,

അക്ഷരലോകത്തിലെ വിസ്മയശില്പമേ;

അറുന്നൂറ്റിനാല്പത്തിനാല്‍ അക്ഷരക്കതിരുകള്‍ ചിതറി,

ഹരിനാമകീർത്തനമേ, നിന്റെ ലയസൗന്ദര്യം!

ആറാമക്ഷരം താളസ്പന്ദനം പകരും,

ഉള്ളിലെ ഭാവങ്ങളെ ആവാഹിച്ചു മനോഹരം;

അർത്ഥഗാഭീര്യത്താൽ മുന്നേറും ഗീതമേ,

എന്റെ ആത്മാവിനു എന്നും സാന്ത്വനം നീയേ.

എഴുത്തച്ഛൻ ചൊരിഞ്ഞ ഭക്തിയമൃതധാര,

ഇന്നും മലയാളമനസ്സിൽ ഒഴുകുന്ന ഗംഗയായി;

ഹരിനാമകീർത്തനമേ, നിൻ അക്ഷരസുമങ്ങൾ

ഹരിപാദസേവയിൽ വിരിയുന്ന പൂമാലകൾ.

എണ്ണിയാലും തീരാത്ത അർത്ഥം ചൊരിയുന്ന അക്ഷരങ്ങൾ,

ഓരോന്നിലുമടങ്ങിയിരിക്കുന്ന ഈശ്വരചൈതന്യം;

പതിനാലും ഏഴും ചേർന്ന് വിരിയുന്ന ലയദീപങ്ങൾ,

ഹരിനാമകീർത്തനമേ, നീ ജ്ഞാനസാഗരമാണ്!

ജീ ആർ കവിയൂർ 

29 06 2026

( തിരുവല്ല, കവിയൂർ)