🌕 പൗർണമി 🌕

🌕 പൗർണമി 🌕

പൗർണമി നാളിൽ വാനിലിതാ,

ചുവന്നുതുടുത്തു തിളങ്ങുന്നു.

തിരമാലകൾ തൻ താളത്തിൽ,

സാഗരതീരമാകെ ഉണരുന്നു.

പഴമയുടെ കഥകൾ ചൊല്ലി,

കുളിർക്കാറ്റ് വീശും നേരംപോൽ.

പ്രകൃതിയുടെ ഈ മായാജാലം,

മിഴികൾക്കെന്തൊരാശ്വാസം.

അനന്തമാം ആകാശത്തിൻ കീഴിൽ,

മനവും തനവും ശാന്തമാകുന്നു.

ജഠരാഗ്നിയുടെ ശമനത്താൽ,

ചിത്തത്തിന് ആനന്ദമേകുന്നു.

ഇന്ദുവിൻ പ്രകാശധാരയിൽ,

ജീവിതത്തിൻ വേലിയേറ്റിറക്കങ്ങളിൽ,

സന്താപ സന്തോഷങ്ങൾ,

എല്ലാം മാറിമറിയുന്നു.

ഈ സൗന്ദര്യം നമ്മളിൽ മാറ്റമുണർത്തുന്നു,

പഴമകളെല്ലാം വിസ്മരിച്ച് മുന്നോട്ട്.

പുതുവെളിച്ചം മുന്നിൽ കണ്ട്,

തുടങ്ങാം ഇനി നവപ്രയാണങ്ങൾ.

ജീ ആർ കവിയൂർ 

01 07 2026

( തിരുവല്ല , കവിയൂർ)