ആത്മാവിഷ്കാരങ്ങള്‍

എത്രയോ അടിയേറ്റാലും തളരാതെ കാത്തുകിടപ്പു കുളക്കടവിലെ കല്ലുകൾ ..!! ഇളം വെയിൽ പെയ്യ്തു വഴിയും ചാരുബെഞ്ചും പ്രണയത്തെ കാത്തു കിടന്നു ..!! ഭക്തിയെന്ന  ലഹരിക്കപ്പുറം കോലങ്ങൾ കെട്ടിയാടിക്കുന്നു വിശപ്പെന്ന കോമാളി ..!! വസന്തം വന്നുപോകുമ്പോൾ കൊഴിയും ഇലയുംപൂവും ഓർമ്മയാകും കൗമാര്യം ..!! രാവിനോട് മൗനമായ് വിടവാങ്ങുന്നു സന്ധ്യ മൂകസാക്ഷിയായ് കായൽ ..!! ഇലയില്ലാ ശിഖരങ്ങളിൽ ശിശിരക്കാറ്റു വന്നു മഞ്ഞിൻ പുതപ്പണിയിച്ചു ..!! കാറ്റും മഴയും കൺചിമ്മി വിളക്കുകൾ . മൗനം ചേക്കേറി ക്ഷേത്രത്തിൽ ..!! പൊന്നുരുക്കി വിതറി പൊൻ പുലരി നവോഢയായ് പുഴ ..!! ജീവിതത്തിന് ഉപ്പേറുന്നു വിശപ്പടക്കാൻ ഒരുങ്ങി എണ്ണയിൽ മുങ്ങി പൊങ്ങുന്നു ..!! അസ്തമയ സൂര്യനും അലകടലിനുംതീരത്തിനും ഒരു വറത്തു പൊരിക്കുന്ന ഗന്ധം  ..!!

രാവുറങ്ങി രാപാടിയും മൗനം പൂണ്ടു അമ്പലമണിയും സുപ്രഭാത മന്ത്രത്തിനു കാതോര്‍ത്ത് ..!! അവനായി കാത്തുനിന്നു മൗനം കൂടുകൂടിയ ആല്‍തറ . നെഞ്ചില്‍ പ്രണയ മന്ത്രം ..!! ആല്‍തറ  തണലില്‍ സ്വപ്‌നങ്ങള്‍ ചേക്കേറും സന്ധ്യാംബര ചോട്ടില്‍ ..!! വര്‍ത്തമാനപത്രത്തില്‍ മുഖം താഴ്ന്നു ആരയോ കാത്തുനിന്നു കണ്ണു കഴച്ചു പുസ്തകങ്ങള്‍ ..!! രാവിന്‍റെ മൗനത്തില്‍ കണ്ണുകളിലാകെ പടര്‍ന്നു വിരഹനോവിന്‍ വിഷാദം ..!! ഹൃദയമൊരു ചെമ്പില താളിലെ ജലകണം പോലെ ദാഹിച്ചു സ്നേഹത്തിന്‍ തലോടലിനായി ..!! കാത്തിരുന്നു നനഞ്ഞൊട്ടിയ നെഞ്ചകം വെന്തു പൊള്ളി വിരഹചൂടിനാൽ ..!! ചുംബനത്താൽ ഞെരിഞ്ഞു ദളങ്ങൾക്കു രോമാഞ്ചം ഒന്നുമറിയാതേ വണ്ടും ..!! രാവിന്റെ നിറവിൽ പ്രതീക്ഷയുടെ ചതുരങ്ങൾ ആരെയോ കാത്തിരുന്നു ..!! ഉത്സവഛായയിൽ കൺ കാഴ്ചകളുടക്കി വർണ്ണാഭമാർന്ന ബാല്യം ..!!

നിറമിഴി കോണിലൂടെ ഞാൻ കണ്ടു നിൻ നിറവാർന്ന രൂപം മുന്നിൽ നീലകാർവർണ്ണവും പീലിത്തുണ്ടും നിമിഷനേരം ഞാനെന്നെമറന്നങ്ങുനിന്നു .. കാളിന്ദിയിലെന്നപോലെ നിൽക്കും കാലിമെയ്ക്കും കോലും    നിൻ കായാമ്പൂവിന് നിറമെയ്യും കരുണാമയനെ നീ അരികത്തു നിന്നു   ജരാനരകളെന്നിൽ വന്നുനിൽക്കുമ്പോൾ ജന്മജന്മാന്തര ദുഖങ്ങളൊക്കെ മറന്നു ജാലമിന്ദ്രജാലം നിൻ മോഹന ദർശനം ജനിമൃതികൾക്കിടയിലെ ദൃശ്യ സൗഭാഗ്യം ..!! painting by TOMALIKA ACHARJEE

മനമറിയാതെ തേങ്ങി ..!! രാവിൽ പൂനിലാവിൽ മധുരം പെയ്യ്ത കനവിൽ നിന്നോര്‍മ്മയൊരു ഇളം തെന്നൽ വന്നു നിന്നു  മൗനം പാടും നേരം അറിയാതെ മനം തേങ്ങി അനുരാഗം ആരോഹണവരോഹണങ്ങളാല്‍ സപ്ത സ്വരരാഗവീചികളാലേ അലതല്ലുമെന്നാത്മ സംഗീതം ഉണർന്നു രാവിൽ പൂനിലാവിൽ മധുരം പെയ്യ്ത കനവിൽ നിൻ ഓർമ്മയൊരു ഇളം തെന്നൽ വന്നു നിന്നു  മൗനം പാടും നേരം നീയില്ലാതെ അലയുന്നേരം അണയാതെ കാത്തു ജീവന്‍ തിരം തേടും അലമാലകള്‍ പോലെ താങ്ങും തണലുമേകി കാത്തിരുന്നു രാവിൽ പൂനിലാവിൽ മധുരം പെയ്യ്ത കനവിൽ നിൻ ഓർമ്മയൊരു ഇളം തെന്നൽ വന്നു നിന്നു  മൗനം പാടും നേരം ..!!

ഇരുളിന്‍ മറവില്‍ മുട്ടിയുരുമ്മുമാത്മാക്കള്‍ സ്വപ്‌നങ്ങള്‍ നെയ്യ്തു ..!! പ്രഭാതകിരണങ്ങള്‍ മാര്‍ഗ്ഗം തെളിയിച്ചു ജീവിത വഞ്ചി നീങ്ങി ..!! ജീവിത നൊമ്പരങ്ങള്‍ക്കിടയില്‍ തീവെട്ടി തിളക്കങ്ങളില്‍ മയില്‍പ്പീലി മിന്നി ..!! കരകാണാ കയങ്ങളില്‍  മുങ്ങി തപ്പി ഓര്‍മ്മകള്‍  അലകടലില്‍ ഞാനേകന്‍ ..!! മഞ്ഞിന്‍ മൂടുപടത്തില്‍  നീല കമ്പളം വിരിച്ചു  ശിശിരം വരവായി ..!! നീലപ്പൂവിരിയിച്ചു  വസന്തവും വന്നു  എന്തെ നീ മാത്രം വന്നില്ല..!! രക്ത വര്‍ണ്ണം വിരിഞ്ഞു  നിന്റെ വരവോക്കെ അറിയിച്ചു  നിന്‍ ചിറകടിമാത്രം   കേട്ടില്ല ..!! രാവണഞ്ഞിട്ടും  ഓലപ്പീലികളാരെയോ കൈയാട്ടിവിളിച്ചു ..!! മൗനം ഉടച്ചു മണിമുഴങ്ങി ഭക്തി ഉണർന്നു ..!! പുൽക്കൊടി തുമ്പിൽ മഴമുത്തുക്കൾ ഭൂമി കുളിർത്തു ..!!

വേദനയുടെ താളിൽ കണ്ണുനീർ മഷിയാലേ എഴുതി ചേർത്തു .. പലപ്പോഴും ഞാൻ വെട്ടിത്തിരുത്തി എനിക്ക് പറയുവാനുള്ളത് പലതീരങ്ങളും കടന്നു നീ എന്നെ തനിച്ചാക്കിയെങ്കിലും വിട്ടകന്ന നിൻ സുഗന്ധത്താൽ ഒരു അഭയാർത്ഥിയായ് ജീവിതം നയിക്കുന്നു ഒറ്റപ്പെട്ട തുരുത്തിലായ് ഒഴിയുക നിന്‍  കദനങ്ങള്‍ ഹൃദയത്തില്‍ നിന്നും സന്തോഷം വഴിഞ്ഞു ഒഴുകട്ടെ സത്യങ്ങളില്‍ നിന്നും വഴുതി മാറാതെ കാത്തുകോള്‍ക നിന്‍ വിശുദ്ധിയെ ആഗ്രഹങ്ങളുടെ വലയില്‍ തിരികെ വരാത്ത ഗര്‍ത്തങ്ങളില്‍ വീഴാതിരിക്കുക

കണ്ണുകൾകണ്ണുകൾ തമ്മിലിടഞ്ഞു ഉള്ളിൽ കത്തിയൊരു അഗ്നിയാകെ ഹൃദയത്തെ പൊള്ളിച്ചുവല്ലോ പേരറിയാത്തൊരു വേദനയാൽ നിണമാകെ ഒഴുകി നദിയായ് പ്രണയ കടലിൽ ചേരുമ്പോൾ കരയാകെ പൂത്തുലഞ്ഞു നിന്ന് രാവിൽ നിലാവ് പെയ്യ്തു നിറഞ്ഞു വിരഹം വീണ്ടും അടുക്കാതെ പോയൊരു കപ്പൽ തീരം തേടിയലഞ്ഞു നങ്കുരവുമായ്    

പ്രണയം പൂക്കും തീരത്ത്‌ നങ്കുര മോഹവുമായ് പായക്കപ്പല്‍ അലഞ്ഞു ..!! മിനാരങ്ങള്‍ക്ക് മുകളില്‍ ചിരിതൂകി നിന്നു റംസാന്‍ നിലാവ് ...!! ഇല പൊഴിഞ്ഞു മാനം നോക്കി ചില്ലകള്‍ ശരത്‌കാല വിരഹം..!! കടപുഴകി വീണു മഴ മേഘപ്രളയം ബൌദ്ധ മൗനമുടഞ്ഞു ..!! പതിയിരുന്ന വിശപ്പ്‌ ഇരയുടെ വരവ് കാത്ത് കാടിളക്കി കരഞ്ഞു കിളി ..!! നെയ്യാറ്റില്‍ മുഖം നോക്കി മേഘ കുടചൂടിയ മലകള്‍ക്കു യൗവനം..!! പച്ച പുല്ലിനും തുമ്പിചിറകു വച്ചു പറക്കാനൊരു മോഹം ..!! നെല്ലും പുക്കുലയും നിറപറയും സാക്ഷി ചന്ദന ഗന്ധത്തില്‍ മംഗല്യം ..!! ഒറ്റക്കൊമ്പിലിരുന്നു കുറുകി വിരഹം കാറ്റിനും മൗനം ..!!

കാറും കോളും നിറഞ്ഞോരെന്‍ മനസ്സില്‍ കുളിര്‍മഴയായ്‌ നീ പെയ്യ്ത നേരമെന്നില്‍ കദനക്കനലോക്കെ കെട്ടടങ്ങിയല്ലോ മെല്ലെ കരമൊഴിയായ് നീ എനിക്ക്പ കര്‍ന്നുതന്നു കവിതകളേറെ പ്രണയോദാരമെന്നിലായ്  കളമൊഴീ നിന്നെക്കുറിച്ച് എത്ര പാടിയാലും കവിയില്ല ഒരിക്കലും സ്നേഹകടലോന്നു കരകവിയുന്നു മനോഹരി സന്തത സതതം ..!! ചിത്രം കടപ്പാട് Rajeev Clicks

കുറും കവിതകള്‍ 754 കടൽ തീരകാഴ്ചകൾക്കൊപ്പം  സ്നേഹത്തിന് നീളുന്ന സുരക്ഷിത കരങ്ങൾ ..!! പൂവിതൾ തുമ്പിൽ മഴമുത്തുക്കളിൽ സൂര്യ രശ്മി തിളക്കം ..!! സംഗീത ധാരകള്‍ മയങ്ങി ഉണരാന്‍ കാത്തു കിടന്നു തന്തികള്‍ ..!! മനമിളക്കിമെല്ലെ ജിമ്മിക്കികമ്മൽ തിളങ്ങി ഓർമ്മ പിന്നോക്കം നടന്നു ..!! സമാന്തരങ്ങളിലുടെ ജീവിത യാത്ര നീളുമ്പോള്‍ അകലെ കൂക്കുവിളി..!! ചുറ്റുപാടുകളുടെ സാമീപ്യ ജീവിത ലഹരി . അനുഭൂതിയിലെല്ലാം മറന്ന്‍..!! മുകളിലാകാശം താഴെ പാതിരാ വഴിയില്‍ ജീവിതം ഉറക്കം തേടുന്നു ..!! കാല്‍പന്തിന്‍ ലഹരിയില്‍ ഊയലാടും തിരികെ വരാ ബാല്യമിന്നും ഓര്‍മ്മയില്‍ ..!! മഴമേഘങ്ങല്‍ക്കിടയില്‍ ദേശാടന പക്ഷികള്‍ പറന്നു വായനത്തൊരു മാലയായ് പൂക്കാതെ നിൽക്കുമൊരു മഴയോരത്തു വിരഹം ഗുൽമോഹർ  തണൽ തേടുന്നു ..!!

പെയ്യ്തൊഴിഞ്ഞ മഴയിൽ ഓർമ്മകളുടെ കുത്തൊഴുക്കിൽ കളിവഞ്ചിമെല്ലെ ഒഴുകി നീങ്ങി കൊത്താം കല്ലുപെറുക്കി എറിഞ്ഞു പിടിക്കുമ്പോൾ നോട്ടം അവന്റെ കുസൃതി നിറഞ്ഞ കണ്ണുകളിൽ തനിക്കായി എത്താക്കൊമ്പിലേറി നീരുകറ്റി കൊണ്ട് എത്തിപ്പറിച്ച മധുര മാമ്പഴവും നെഞ്ചോളം വെള്ളത്തിലിറങ്ങി പറിച്ചു തന്ന അല്ലിആമ്പലാൽ തീർത്ത മാല പരസ്പരം കഴുത്തിലണിഞ്ഞു കൈകൊട്ടി ചിരിച്ച ബാല്യമേ ഇന്നുമെന്തെ കണ്ണുകളിൽ തിളങ്ങുന്നു പൊയ്‌പോയ വസന്തങ്ങളുടെ നിലാമഴയാർന്ന സ്വപ്നങ്ങളും ഇന്നും ഓർക്കുന്നു തകർത്ത് പെയ്യും കർക്കശമായ കർക്കിടമഴയിൽ ..!! photo by Ajith Unnikrishnan ‎

മറഞ്ഞു .... സന്ധ്യയുടെ അഴകിൽ ചാലിച്ചെഴുതിയ കവിത കുറുകുന്നുണ്ട് പടവുകളിൽ മൗനനാനുഭൂതിയിൽ  രതിവർണ്ണങ്ങളിൽ ലഹരിയാകുന്നു രാവ് ശിശിരം നിറയുന്ന ചില്ലകളിൽ കുളിർ പടർന്നു വിരഹം കൂടുകൂട്ടി കാറ്റ് കാമുകനായ് മേഘം കമ്പളമായ് നിലാവിനെ പുതപ്പിച്ചു  മനസ്സുറങ്ങിയില്ല ആഴങ്ങളിലേക്ക് ഇറങ്ങി സ്വപ്നം ചിറകുവിടർത്തി മഴയുടെ  തനിയാവർത്തനം ചീവീടുകൾ സ്തൃതി മീട്ടി പുൽ തലപ്പുകളിൽ മുത്തു തിളങ്ങി കണ്ണുതിരുമ്മി ഉണർത്തി പ്രഭാത കിരണങ്ങൾ പ്രണയം എവിടോ മറഞ്ഞു ..!!

സപ്ത സ്വരമായ് വർണ്ണമായ് തരളിത രാഗഭാവ താളമായ് ഋതുവസന്ത ശലഭ ശോഭയായ് അനർഗകള നിർഗ്ഗള കാഹളമായ് ആരോഹണ അവരോഹണങ്ങളാൽ ശിവ ഡമരുവിൽ നിന്നൊഴുകും ശ്രുതി മധുര  സംഗീത ഗംഗേ പ്രണാമം പ്രണാമം പ്രണാമം ..!!

നിൻ ഉഷസന്ധ്യകളേകിയോരുവര്‍ണ്ണ വസന്തങ്ങള്‍ ഇന്നുമെന്‍ ഓർമ്മയിൽ നിറയുന്നൊരു അനുഭൂതിയായ് മഴമേഘങ്ങള്‍ മലയെ തൊട്ടുരുമ്മി അകലുമ്പോള്‍ മനസ്സ് നിന്നിലെത്തി നില്‍ക്കുന്നു ഇനി എന്താ പറയുക ഇല്ല മറക്കില്ല എത്ര ഋതുക്കൾ പോയി വന്നാലും നിന്റെ സാമീപ്യം അറിയുന്നു ഇന്നും ഇപ്പോഴും കൈപിടിച്ചു വലം വച്ച് അവസാനം വരേക്കും ഇനിയൊരായിരം ജന്മമുണ്ടാകിലും ഒരുമിച്ചു നടക്കാം

പൂവിതളിൽ പൊതിഞ്ഞൊരു രഹസ്യം വെളിച്ചം മൂടിവെക്കും മധുരമാം മൗനം ലക്ഷ്യമില്ലാതെ മൂളി പറക്കുന്ന വണ്ടിന്റെ മൂളലുകൾ തേടിയെത്തുന്ന ലഹരി വസന്തം ജലത്തിൽ തീർക്കും ഓളങ്ങൾ കരയെ തൊട്ടു തലോടി മടങ്ങുന്നു എവിടെ ഒടുങ്ങുന്നു എന്നത് അറിയാതെ അനന്തതയിൽ ലയിക്കും ചിന്തകൾ നുകരുന്നു അലൗകികമാം ആനന്ദം അനവദ്യ അനുഭൂതിയിൽ മനം മായാ മരീചികയോ ഇന്ദ്രജാലമോ മുകുളമായി ഒന്നുമറിയാതെ  ...!!

മഴനിലാവിലേതോ  വിരഹനോവ്‌  പെയ്യ്തൊഴിഞ്ഞു മനമിടറി അറിയാതെ തേങ്ങി കാവ്യ കല്ലോലിനി  ഒഴുകി മാഞ്ഞു പോയോര്‍മ്മതന്‍ ഓളങ്ങളില്‍ മൗനം പൂത്തിറങ്ങി മലരണിഞ്ഞു പുണര്‍ന്നു വല്ലികുടിലിലാകെ  ലഹരി പകര്‍ന്നു ... മാവിലെ മൈനയും തൊടിയിലെ കുയിലും തേടിയലഞ്ഞു മനമോത്ത ഇണക്കായിയൊപ്പം കിട്ടാനൊരു തുണക്കായ് മാമലയും മലരണിയും കാടും കാട്ടാറും കടന്നിങ്ങു മലഹരി പാടി മന്ദപവനന്‍ വന്നണഞ്ഞരികിലോലമായ്‌ മുത്തമിട്ടു പറന്നൊരു കിനാവിന്റെ കാതിലാരോമെല്ലെ മന്ത്രിച്ചു നിന്‍  വരവിന്‍ പദനിസ്വന മധുര രസമേറി മഴിയിണകളറിയാതെ മുല്ലപൂപോലെ വിരിഞ്ഞു മണവുമില്ല മാസ്മര മനോഹര നിന്‍ വദനവുമില്ലരികില്‍  

ഇടനാഴിയിലെ കാലൊച്ച ആരുടെയോ പദചലനങ്ങൾക്കായി വേദനകളുടെ വേർപാടിന്റെ ആരുമറിയാത്ത മൗനങ്ങൾ ബന്ധങ്ങളുടെ മുറിവുകൾ ചേർക്കാൻ കഴിയാത്ത നിസ്സഹായത ഇരുളിന്റെ വക്കോളം ഇമവെട്ടാതെ തുറിച്ചുനോട്ടങ്ങളുടെ ഇടയിൽ പെട്ട് സന്ധ്യ തിരിതാഴ്ത്തിമെല്ലെ അകലുമ്പോൾ ഞരക്കങ്ങളുടെ ശ്രുതിമീട്ടിയ ചീവീടുകൾ കൊലുസുകിലുക്കവുമായി  മഴനൂലുകൾ വിഷാദ വിരഹങ്ങളുടെ മാറാലകെട്ടി ചിലന്തി വലനെയ്തു കാത്തു കിടന്നു കണ്ണുനീർ ഉപ്പിന്റെ ചൂരേറ്റു വിശപ്പ് ഉറക്കത്തിലേക്കു വഴിതടഞ്ഞു നിന്നു ഇണപിരിയാത്ത വികാരങ്ങൾ മിന്നിമറഞ്ഞു അപ്പോഴും മഴയുടെ പിറുപിറുക്കുകൾ മച്ചിൻ മേൽ നൃത്തം ചവുട്ടിക്കൊണ്ടിരുന്നു ഒന്നുമറിയാതെ ഇടനാഴിയുടെ തേങ്ങൽ ആരും അറിയാതെ തുടർന്നുകൊണ്ടിരുന്നു ..!!

നൊമ്പരത്താളിലമർത്തിയെഴുതി ഞാനെൻ കണ്ണുനീർ മഷിയാലേ നിൻ വിടരുന്ന പുഞ്ചിരി പൂക്കൾ കണ്ടില്ലന്നു തോന്നുന്നു ആവരികൾ പൂത്തു വിരിയും കാടും കുയിലിലൻ പാട്ടും മയിലിന്റെ നടനവും മാനിന്റെ കുതിപ്പും ഒന്ന് തുറക്കുക നിൻ ഹൃദയ വാദായനം കാണുക എൻ കണ്ണിൽ വിരിയും ആരും കണ്ടാല്‍ കൊതിക്കുമാ നീയെന്ന വർണ്ണ മനോഹര വസന്തം ..!!

ഇതളുകളില്‍  തൊട്ടുരുമും വണ്ടിനറിയുമോ  പൂവിന്‍ നോവ്‌ ..!! മണ്ണില്‍ വിരലുകളാല്‍ തീര്‍ക്കും ജീവന കവിത കാറ്റിനു സുഗന്ധം ..!! ഇത്ര കേഴ്നതിന്‍ നോവോ ആകാശത്തിന്‍ തോരാ കണ്ണുനീര്‍ വേഴാമ്പല്‍ മൗനം ..!! ഇളവേല്‍ക്കുമി ജീവിതം യാത്രകള്‍ക്ക് ഒരുങ്ങുന്നു സ്വച്ചം സുന്ദരം ..!! കടലിന്റെ നോവറിഞ്ഞു കരയുടെ മൗനമുടച്ചു മീട്ടുന്നുണ്ടായിരുന്നു കാറ്റ്...!! കടലിന്റെ പ്രണയ സംഗീതം കരയില്‍ കാത്തിരിപ്പ് . വിരഹ നോവ്‌ ..!! രാമഴ തീര്‍ക്കും സംഗീത കുളിര്‍ . ഉറങ്ങാതെ പാതിരാകിളി ..!! പ്രണയ മഴ തോര്‍ന്നു തീരത്ത് ആരും കാണാതെ കടലാസുവഞ്ചി ..!! മഴയേറ്റു തളരാതെ കെട്ടി പുണര്‍ന്നു തളിര്‍ വള്ളി..!! പടിയിറങ്ങി വരുന്നുണ്ട് കുളിര്‍കാറ്റിലായ് ബൗദ്ധ  മൗനം ..!!

മനസ്സിന്റെ വിക്രിയതകൾ എന്റെ വാക്കുകൾ സത്യമാണ് ഞാനവയെ നഗ്നമായി  വിടുന്നു എന്തെ ചിന്തകൾ കലർപ്പില്ലാത്തവയാണ് അവകൾ ഒഴുകി നടക്കട്ടെ അനായാസം എന്റെ മനസ്സ് ഒരു മൈതാനം എന്റെ ചിന്തകൾ കളിക്കാരാണ് എന്റെ മൈതാനത്തെ കളികളെ ഞാൻ എന്റെ മനസ്സാലെ  നിരീക്ഷിക്കുന്നു എനിക്ക് നിയമങ്ങളൊന്നുമില്ല എന്റെ കളിക്കാർ ഒരു നിബന്ധനകളുമില്ല നീ എന്റെ കളിക്കളത്തിലേക്കു ഇറങ്ങുക നിന്റെ കളികൾ നീ തന്നെ കളിക്ക് ഒരു സാമ്യവുമില്ല തമ്മിൽ നമ്മുടെ കളികളുടെ നിയമത്തിൽ പരിചയമില്ലാത്ത ആണെങ്കിലും നാം കളി തുടരുന്നു നീ അതുല്യയാണ് നിന്റെ വിധങ്ങളിൽ ഞാൻ എന്റെ രീതിയിൽ എന്റെ വഴിക്ക് നിർബന്ധിക്കല്ലേ എന്നെ ഞാൻ നിന്നെ പോലെ മത്സരിക്കല്ലേ എന്നെ പോലെ എന്റെ രീതിക്കു ജീവിക്കുന്നു എന്റെ ആഗ്രഹപ്രകാരം നീ പോകുക നിന്റെ ഇഷ്ടാനുസരണം പരസ്പ്പരം അറിയുക ,തമ്മിൽ ബഹുമാനിക്കുക നമ്മുടെ കളികൾ നമ്മുടെ വഴിക്ക് വെത്യസ്ത നിയമങ്ങൾ എന്തേന് ജീവിതം ,സമയംപോക്കലോ വഴുതി പോകുന്ന നിമിഷങ്ങൾ നിനക്ക് തടയുവാനാകുമോ മുറുക്കിപ്പിടിക്കാനാവുമോ ആനന്ദത്തെ എന്നെന്നേക്കുമായി പ്രണയ നിമിഷങ്ങളെ നാം വെറുക്കുന്ന നിമിഷങ്ങളെ ഒരിക്കലും നിനക്കായി...

എന്റെ നോവിന്റെ വിരിമാറിൽ നിന്റെ സാമീപ്യമറിയുന്നു ഞാനാ കൺമിഷി കറപ്പിൽ വൺമേഘ ശകലപ്രദലങ്ങളിൽ എണ്ണിയാൽ ഒടുങ്ങാത്ത കുങ്കുമ നിറം പകർന്നു വേരോടും ഞരമ്പുകളിൽ മിന്നിമായും കൊള്ളിമീനുകൾ അവതീർക്കും മോഹങ്ങളറിഞ്ഞു ..!! മൂർച്ഛയേറും വാക്കുകൾക്കായി അക്ഷര നികുംഭിലയിൽ തേടി പിറക്കാൻ  ഇരിക്കുന്നൊരു പ്രണയ കാവ്യമെന്നെ വല്ലാതെ നൊമ്പരപ്പെടുത്തുന്നു ..!!

ഇന്നലെകളുടെ തുടുപ്പുകളിൽ ഇന്നുഞാൻ എല്ലാമറന്നങ്ങു ഈണം ചേർത്തു പാടി ഇണയായി തുണയായി വന്നനിന്‍ ഈരടികള്‍ക്കായ് കാതോര്‍ത്ത് ഇവിടെയങ്ങ് ഇരിക്കുമ്പോളായ് ഇമവെട്ടാതെ നിന്റെ ഓര്‍മ്മകള്‍ ഇഴയുന്നു എന്നരികില്‍ മോഹനം ഇല്ല മറക്കില്ലൊരിക്കലും ഇഴയകലാത്ത നിന്‍ മാസ്മര ഇതള്‍വിരിക്കും പുഞ്ചിരി ഇനിയും വരില്ലയോ വീണ്ടും ..!!

നമ്മുടെ സമ്പത്ത്  കേള്‍ക്കുന്നില്ലയോ നീ എന്റെ മൗന സംഗീതം .കാണുന്നില്ലയോ നീ എന്റെ നിറമാറ്റ രൂപം നിനക്കറിയില്ലേ ഇതൊക്കയും ഇതുവരക്കും നിനക്ക് അനുഭവപ്പെടുന്നില്ലേ എന്റെ സ്നേഹം നിനക്കായ് ഞാന്‍ പറയാമെന്റെ സന്തോഷവും സന്താപവും .നിന്നില്‍ നിറക്കാം ഞാന്റെ കണ്ണുനീരും പുഞ്ചിരിയും നീ എന്നില്‍ അറിയിക്കുമല്ലോ ജീവിത കുടിയിരുപ്പു . നീ എന്നെ പഠിപ്പിച്ചുവല്ലോ ജീവിത പ്രണയം എന്തൊരു ആശ്ചര്യം നിന്നെ അറിയുമ്പോള്‍ . എന്റെ  ജീവിതത്തില്‍ നാം പങ്കുവച്ച ആനന്ദം പരസ്പര സ്നേഹമല്ലോ നാം നേടിയ സമ്പത്ത് ..!! .

മുറിവുകളിലെ ഉമ്മകള്‍ നിഴലായി പിറക്കാന്‍ പിറകെ ചെല്ലാന്‍ വിധിയെന്നു അലിഞ്ഞു പാടുന്ന പാട്ടിന്റെ പിറകെ ഉള്ള കുഴലൂത്ത് അതിന്റെ മുറിവില്‍ അല്‍പ്പമിറ്റുക നോവിന്റെ കണ്ണുനീര്‍ ഉപ്പ് തനിയാവര്‍ത്തനം ചമക്കുന്ന കാലത്തിന്‍ രാഗ ധ്വനിയാല്‍ ശ്രുതി ചേര്‍ക്കാന്‍ ആഞ്ഞവന്റെ വിരലുകള്‍ തീക്കും ആരവം അഴലാറ്റിയ ഉടലിന്റെ മൃദുലതയില്‍ തലോടിയ പയ്യ്ത മഴയുടെ കിലുക്കം കേട്ടു കിടന്ന സ്വപ്നം വിശപ്പിനെ ഉണര്‍ത്തി പാടും വിണ്ടുകീറലുകളുടെ സംഗീതം ..!!

നിന്‍ ഓര്‍മ്മ പൂക്കുന്ന ഇല്ലി മുളം കാട്ടിലെ പൊന്‍ മുളം തണ്ടിനെന്തൊരു  സ്വരവസന്തം നിന്‍ വിരലൊന്നുമെല്ലെ തൊട്ടാലറിയുന്നു എന്‍ ഉള്ളിലെ വിരഹത്തിന്‍ നോവറിവ് ആഴങ്ങള്‍ താണ്ടുമെന്‍ മറവിയുടെ എട്ടില്‍ അഴകേഴും  ചാലിച്ചൊരു നിന്‍ നിഴല്‍ ചിത്രം ആരും കാണാതെ പൊടി തട്ടിയെടുത്തുമെല്ലെ അന്നുമിന്നുമെനിക്ക് തോന്നിയൊരു പ്രണയം എത്ര പറഞ്ഞാലും എഴുതിയാലും തീരില്ല എണ്ണ കറുപ്പാര്‍ന്ന നിന്‍ വാര്‍മുടി തുമ്പിലെ മുല്ലപ്പൂവിന്‍ പുഞ്ചിരിയും നറുമണവും മറക്കാനാവില്ല എന്നാലിന്നുമോമലെ ..!!

കണ്ടുഞാനാ കണ്ണിണകളിലായ് കലര്‍പ്പില്ലാത്ത കരള്‍കവരുമൊരു കമനിയമാം സ്വപ്നത്തിന്‍ നിറമൊഴി കവര്‍ന്നെടുക്കാന്‍ ആഞ്ഞപ്പോളതാ കവിളിണകളിൽ വിരിഞ്ഞ പൂവിന്റെ നാണത്തിനാഴം അളക്കുവാനാവില്ല മനസ്സിന്റെ അടിത്തട്ടിലെ വേരോളം പഴക്കം ആ പൂവിനു ഉണ്ടായിരുന്നോ അറിഞ്ഞു സുഗന്ധം വണ്ടണഞ്ഞു ചെണ്ടുലഞ്ഞു തണ്ടയനങ്ങി കാറ്ററിഞ്ഞു കരിവാളിക്കും മുന്‍പേ ചിരിയടങ്ങിയില്ല പൊഴിയുന്നുവോ പ്രണയം കഷ്ടം ..!!

നിന്നിലെ മാറ്റങ്ങളറിയുന്നു ഋതുക്കളുടെ വരവും പോക്കും അത് തരും വിരസതയും കാലങ്ങളുടെ പഴക്കങ്ങളും അത് തീർക്കും മാനസിക പിരിമുറുക്കുകൾ  എന്തെ പ്രകൃതി തന്നെ അകറ്റുന്നുവല്ലോ അകലം അറിഞ്ഞു നോവെറ്റി നമ്മൾ തമ്മൾക്കിടയിലെ മൗനം വാക്കുകൾക്കായ് വീർപ്പുമുട്ടുന്നു മുഖത്തെ പ്രഭാവത്തിലല്ല പിന്നെ ഹൃദയത്തിലടങ്ങിയിരിക്കുന്ന സ്നേഹത്തിലാണെല്ലാം അകലട്ടെ ഇനി ഞാനും.. കാത്തിരിക്കാമിനിയും പിറക്കാനുള്ള വസന്തങ്ങള്‍ക്കായ് ..!!

ആ മൂകതയില്‍ അത് തുള്ളിയിടട്ടെ എന്റെ ആത്മാവ് നിറയട്ടെ അതിന്റെ അത്യുന്നതങ്ങളില്‍ നീയും നിന്റെ ആഴങ്ങളില്‍ നനവ്‌ ഏറെട്ടെ മധുരമറിയട്ടെ ഉയരങ്ങളില്‍ നിന്നും ഉയരങ്ങളിലേക്ക് ഉയിരിന്റെ ഉണര്‍വ് അറിയട്ടെ ..!! നീലവിഹായസ്സിന്റെ അന്തര്‍ നാളങ്ങളില്‍ പരക്കട്ടെ ജീവന്‍റെ തുടിപ്പ് ചരിഞ്ഞും ഇഴഞ്ഞു നീങ്ങട്ടെ ..!! അനുഭവങ്ങളുടെ ഗര്‍ഭഗൃഹം താണ്ടട്ടെ വിസ്മൃതിയില്‍ നിന്നും മൃദു ധ്വനിയൊടെ പ്രളയപയോധിയില്‍ അലിയട്ടെ അനന്തതയില്‍ ഉയര്‍ത്തെഴുനേല്‍ക്കട്ടെ ..!!

കുറും കവിതകള്‍ 752 ഞാനൊരു സാഗരം നീ ഒരു കണ്ണുനീര്‍ നമുക്ക് രണ്ടും ഉപ്പുരസം ..!! അവര്‍ നൃത്തം വച്ചു പലരുടെയും ചുണ്ടുകളില്‍ നിലാവ് വിരിഞ്ഞു ..!! നീ ഇല്ലായെന്നൊരു കുറവ് ചന്ദ്രനെ തുണച്ചു മനസ്സ് ശാന്തം ..!! അവളുടെ ചുണ്ടുകളില്‍ മഞ്ഞിന്‍കണം എന്റെ പ്രഥമ ചുംബനം ..!! കണ്ണുകളില്‍ പുഞ്ചിരി ഹൃദയം തുടികൊട്ടി മനസ്സില്‍ പ്രണയമഴ ..!! ചരിത്രം പടിയിറങ്ങിയടിത്തു തോറ്റവന്റെ നെഞ്ചിടിപ്പിനാണ് ജയം തേടുമ്പോളറിയുന്നത് സത്യം ..!! ചിരിയും കരച്ചിലും വീണുടഞ്ഞു നേടുന്നു നാളെയെന്ന കരുത്ത് ..!! ഇരുളും വെളിച്ചവും സമരേഖയാവുന്നിടം നന്മനിറഞ്ഞ മനസ്സ്..!! സന്ധ്യ മൂടുപടം പുതച്ചു മറയുവാന്‍ ഒരുങ്ങുന്നു സ്വപ്നംകണ്ട് ഉണരാന്‍ ..!! പതഞ്ഞുനുരപത നിറയുന്ന കാപ്പി യാത്രക്ക് ലഹരി കൂട്ട് ...!!

മഴയുണ്ടെങ്കിൽ മരമുണ്ട് പൂവുണ്ടെങ്കിൽ വണ്ട്ണയും തണലുണ്ടെങ്കിൽ ചേക്കേറും പോകാൻ ഇടമുണ്ടെങ്കിൽ പറന്നുയരാൻ ചിറകുണ്ടെങ്കിൽ പുഴക്ക് തീരമുണ്ടെങ്കിൽ കരയിൽ പാർക്കാനാളുമുണ്ട് കാറ്റിനനുസരിച്ചു ചുവടുമാറ്റാമെങ്കിൽ കാരങ്ങൾക്കൊരു മുടിവുണ്ട് കൈയ്യിൽ പണമുണ്ടെങ്കിൽ നാടും നാട്ടാരുമുണ്ട് നീലാകാശത്തിന് ചുവട്ടിൽ തനിക്കെന്നും താൻ മാത്രം ..!! ചിന്തിച്ചാൽ എല്ലാം ഉണ്ട് ഇല്ലെങ്കിൽ ഒരു ചുക്കുമില്ല എല്ലാം വരുന്നയിടത്തു വച്ച് നേരിടുക അത്ര തന്നെ ..!!

മദ്ധ്യവേനലവധി കഴിഞ്ഞു   അവധിയങ്ങ് കൂട്ടുവെട്ടി  മനസ്സാകെ മടി പിടിച്ചു  പോയി വരുമ്പോളമ്മ തനിക്കു ഇഷ്ട പലഹാരം താരമെന്നും  പുതിയ കൂട്ടുകാരെ കാണാമെന്നു  തെല്ലൊരു സങ്കടം വന്നെങ്കിലും മുഖം തെളിയാതെ മെല്ലെ  കളിപ്പാട്ടങ്ങളോടു  മൗനമായ് യാത്രപറഞ്ഞു  പുസ്തക സഞ്ചിയായത് തോളില്‍ തൂക്കി  പള്ളിക്കുടത്തില്‍ പോവാനായി കളിചിരി  കൂട്ടു വന്നു മഴയും  ഇനി പോവുക തന്നെ ..!!

വേര്‍പാട് ദുസ്സഹം എന്തൊരു നിര്‍ബന്ധപ്രേരണയാണ് എഴുസാഗര ദൂരമാണ് നിന്നിലേക്ക്‌ എന്തിനു വേര്‍പെടുത്തുന്നു ലോകം ജീവിതം അപൂര്‍ണ്ണം നീയില്ലാതെ ഒന്നിച്ചിരുന്നു സന്തോഷം പങ്കുവച്ച ആ ദിനങ്ങള്‍ എത്ര നല്ലതായിരുന്നു പ്രണയ പുഷ്പങ്ങള്‍ വിടര്‍ന്നിരുന്നു പ്രണയത്തിന്‍ അലകളെങ്ങും മുഴങ്ങിയിരുന്നു നീ ഇല്ലാത്തതിന്‍ വേദന അറിയുന്നു ഇന്ന് ഓരോ നിമിഷങ്ങളും വലിയ ശിക്ഷ പോലെ എത്രയോ സ്വപ്‌നങ്ങള്‍ അപൂര്‍ണ്ണമായി എത്രയോ ബന്ധങ്ങള്‍ ഉടച്ചു തകര്‍ത്ത് നാം സുഖദുഖങ്ങള്‍ പങ്കുവെച്ചു ഓര്‍ക്കുകില്‍ ചിരിച്ചും കളിച്ചും എത്രയോ ദിനങ്ങള്‍ ആരുടെ ഒക്കയോ ദൃഷ്ടി ദോഷങ്ങളെറ്റു ദൂരെ ചരടറ്റു പോയല്ലോ പട്ടങ്ങള്‍ ,. രാപകല്‍ എത്രയോ ബുദ്ധിമുട്ടി കടന്നകന്നു നഷ്ടമായ ദിനങ്ങള്‍ എന്തെ പൂര്‍ണ്ണമായ് ആസ്വദിച്ചില്ല എല്ലാ ചിത്രങ്ങളും മാറിമറഞ്ഞു ജീവിതമെന്റെ തരിശായി മാറിയല്ലോ എന്ത് പറയാന്‍ എന്തോരവസ്ഥയാണ് അന്ധകാരത്താല്‍ മൂടപ്പെട്ടിരിക്കുന്നു നീയില്ലാത്ത ലോകം ആനന്ദമയമില്ലാത്ത ജീവിതമായി മാറിയല്ലോ എന്തെ ഇങ്ങിനെ വിരസമാകുന്നപകലും ഇരുളാര്‍ന്ന രാത്രികളും ശാസനിശ്വസങ്ങള്‍ക്കു  ഗതി കുറഞ്ഞപോല്‍ ജീവിതം തന്നെ ദുസ്സഹമായി മാറുന്...