കൃഷ്ണാനുഭൂതി

 കൃഷ്ണാനുഭൂതി

പല്ലവി:

കൃഷ്ണാനുഭൂതിതൻ അമൃതധാരയിൽ-

അലിയുന്നു നിത്യമെൻ ആത്മഭാവം...

ഹരേ കൃഷ്ണാ നാരായണാ ഹരേ

ഹരേ! തൃഷ്ണ അകറ്റുക തിരുവാമനപുരത്തമരും കൃഷ്ണാ ഭഗവാനേ...

ചരണം 1:

വരുമെന്നു ചൊല്ലി നീ മറയുന്ന വേളയിൽ

വഴിയറിയാതെയെൻ മനം തേങ്ങീടുന്നു

വരുവാനുണ്ടൊന്നു നീ എൻ ചാരെ വീണ്ടും

വരം തന്നു കാക്കുവാൻ വൈകുണ്ഠനാഥാ നീയേ തുണ

ചരണം 2:

സത്യമായ് എന്നിൽ നീ ഉദിക്കുന്ന നേരം

സകലവും നിൻ മയമായ് തോന്നിടുന്നു

സന്താപമെല്ലാം അകന്നൊരു മനസ്സിൽ

സന്തോഷമായി നീ നിറയുന്നു കണ്ണാ...

ചരണം 3:

മനതാരിലെന്നും നിൻ മായയാൽ നീയൊരു

മധുരമായ സ്വപ്നമായ് മാറിടുന്നു

മരണമില്ലാത്ത നിൻ സ്നേഹത്തിൻ ചാരെ ഞാൻ

മറക്കുന്നു 'ഞാനെന്ന' ഭാവം മാധവാ നിൻ മുന്നിൽ...

ജീ ആർ കവിയൂർ 

29 04 2026

( കവിയൂർ , തിരുവല്ല)